zero media family planning adv

ज्यानमारा कोरोना : छन्हुं हे २४२ म्ह सित, संक्रमित १० गुणां अप्वलं

नेवा: अनलाइन न्युज | २०७६ फाल्गुण १, बिहिबार १३:०४:३४

चीनया हुबेईइ म्हिगः बुधवाः कोरोना भाइरसं सीपिनिगु ल्याः व संक्रमितया ल्याः ह्वात्त हे अप्वःगु दु । चीनया राष्ट्रिय स्वास्थ्य आयोगं थौं बिहिवाः सुथय् ब्यूगु जानकारी कथं म्हिगः बुधवाः जक हुबेईइ कम्ती नं २४२ म्ह मनूत सीगु दु ।

वंगु डिसेम्बरय् संक्रमण खनेदये धुंकाः थुखे सीपिनिगु ल्याः थ्व दकले अप्वः तःधंगु ल्याखय् खः । थ्व ल्याः मंगलवाःया सिबें दोब्बर खः । मंगलवाः ९४ म्ह मनूत सीगु खः ।

अथेहे, मंगलवाःसिबें म्हिगः बुधवाः संक्रमित जूपिनिगु ल्याः थ्यंमथ्यं १० गुणां अप्वःगु दु । बुधवाः थप १४ हजार ८ सय ४० म्हेसिके कोरोना भाइरसया संक्रमण खनेदूगु स्वास्थ्य आयोगं जानकारी ब्यूगु दु ।

बुधवाःनिसें चिनियाँ स्वास्थ्य अधिकारीपिन्सं ल्वगिया अवस्था निर्धारणया मापदण्डय् हिउपाः हःगुलिं छन्हुं हे संक्रमितपिनिगु ल्याः अप्वःगु खः ।

Categorized in अन्तर्राष्ट्रिय