nepal investment baink

जेट मेसिन सञ्चालन याःगु नेपाःया न्हापांगु वडा

नेवा: अनलाइन न्युज – विजयरत्न | २०७७ आषाढ २१, आइतबार १३:४३:५३

धः सुचुपिचु यायेगु उच्च प्रविधिं जाःगु जेट मेसिन सञ्चालनय् हःगु नेपाःया हे न्हापांगु वडा यल महानगरपालिका ३ वडा जुइत ताःलाःगु दु ।

थुग वडां चालू आर्थिक दँया बजेटपाखें ७७ लख तका पुलाः उगु जेट मेसिन न्याःगु वडा ३ या वडाध्यक्ष श्रीगोपाल महर्जनं जानकारी ब्यूगु दु ।

उगु जेट मेसिन बहुप्रयोजनया नितिं उपयोगी जूगु व जेट मेसिनं २० मिटर क्वय् तक धः सुचुपिचु यायेफइगु जानकारी नं ब्यूगु दु ।

उगु मेसिनं सफा लः साला तयेत, धः दुने बोरा, प्लास्टिक थाना च्वंगु लिकाये फइगु नं जानकारी ब्यूगु दु ।

उगु जेट मेसिनं जाम जूगु धःया फोहोर सफा लखं हाई प्रेसरया जेट मेसिनपाखें सफा याइ ।

‘देय् न्यंकं जेट मेसिन सञ्चालन याःगु थ्वहे न्हापांगु वडा जुइफु । महानगरपालिकां जक जेट मेसिन न्यानाच्वंगु खःसा आः थन वडां हे मेसिन सञ्चालन याःगु दु धकाः ३ वडां जानकारी ब्यूगु दु ।

उगु मेसिनया उलेज्या यासें यल क्षेत्र नं ३ या सांसद पम्फा भुसालं थुगु ज्या मेमेगु वडायात उच्चत्तम प्रविधियुक्त मेसिनपाखे ज्या यायेगु प्रोत्साहन याइगु धकाः भलसा काःगु दु ।

वडां हे उच्चत्तम प्रविधियुक्त मेसिन सञ्चालन यागुलि लसता प्वंकूसें महानगरपालिकाया मेयर चिरिबाबु महर्जनं स्मार्ट प्रविधिं हे जनतायात गुणस्तरीय सेवा बिइगु धकाः थःगु खँ तःगु खः।

थ्व स्वयां न्ह्यः शवबाहन सञ्चालन यायेत वडां आः ज्येष्ठ नागरिकपिनिगु लागि निःशुल्क विधुतीय गाडी सञ्चालनय् हयेगु तयारी यानाच्वंगु दु ।

Categorized in स्थानिय-समाज