prabhu baink new

जीवन पिने मखु दुने –ओशो

नेवा: अनलाइन न्युज | २०७३ भाद्र १४, मंगलबार १२:५३:२७

जिं न्यनागु दु, माओत्सेतुङं थः मचाबलय् जूगु घटनायात कयाः च्वःगु दु – जिमि मांया छगू बगौचा दु । उगु बगैचाय् ततःधंगु स्वां ह्वयेकेगु याः, थथे ततःधंगु स्वां ह्वःगुलिं तापाकं तापाकं वयाः उगु स्वां स्वयेत वइ । तसकं लय्ताइ, स्वां खनाः अजू चाइ । छकः जिमि मांया उसाय् मन्त । उसाय् मदुगुलिं तच्वंकं चिन्तित जुल । चिन्ता थः उसाय् यात कयाः मखु, बगैचायात कयाः खः । तर जिमि मां थुलियंक बिरामी जुल कि दने हे मफु ।
तर वया काय् नं मांयात धाल धन्दा काय्म्वाः बगैचा जिं स्वये । झिन्यान्हुतक बगैचा च्यूताः कयाः स्वल, स्वांया धू सफायात । ल नं बिल तर स्वां न्हियान्हिथं बांलायेसिकं बांमलालां वन । थौं धाधां कन्हय् धाधां सिनावन । काय् तच्वकं दुःखी जुल । ख्वल, च्यूता काल । छु जूगु थ्व स्वांयात जिं गुलि बांलाक मतिना याना सुसाःकुसाः यानाः लः बिया अय्नं सित ।
झिंन्यान्हुलिपा मांम्ह उसाय् लंकाः पिहां वल, बगैचाय् काय् ख्वयाच्वंगु खनाः न्यन छाय् ख्वयागु हां – लिसः वहे स्वांयात मतिना यानां नं म्वाके मफुत छु यायेगु ?
मांया ख्वालय् बगैचाया दुर्गति खनाः ख्वय् ला वल तर व सिकं अप्वः काय्या स्थिति खनाः न्हिलेवल । अले थः काय्यात धाल – बाबु स्वांया प्राण हलय् मखु, वयागु प्राण ला हाय् दइ । गुगु झीसं खनी मखु । व चाय् दुने दइ । लः स्वांयात बिइगु मखु हायात बिइगु खः । चिन्ता स्वांया हः पिने खनेगु नाप मखु दुने चा च्वनाच्वंगु यात खः, तर छं पिने खंगु हे यात जक च्यूता काल, उकिं बगैचाया स्थिति थ्व जूगु खः । तर काय्म्हस्यां धाल हाला खने दयेमाःगु खः खनेदुसा जक ला स्वयेफइ ।

उकिं अप्वः मनूतय्सं न्यनी जीवन गन दु ?

जीवन खने दइमखु व खने नं फइ मखु उलि याकनं । गथे बांलाःगु स्वां जक खनेदइ हा खनेदइमखु । अथेहे जीवन नं खनेदइमखु तर जीवनया हा मालेफत धाःसा जक जीवन दइ मखुसा जीवन जीवनया नीति जक दइ । उकिं जीवनयात कयाः छगू सूत्र लुमंका तयेगु तच्वकं आवश्यक दु – जीवन पिने मखु दुने दु सासः पिने खनेदु तर प्राण दुने दु । उकिं स्वां पिने खनेदसां हा चाया दुने खनेदइमखु ।
भौतिकवादीतय्सं पिनें जक थःयात कय्च्यानातइ दुनें कय् च्याये फइमखु । भौतिकवादीतय्सं धायेगु याः दुने छुं हे मदु, दुसा फुक्कं पिने । तर अजू चायेफु, भौतिकवादीतय्गु खँ छाय् धायेबलय् वास्तवय् पिनें छु खनेदुगु धइगु हे दुने दया जक खः । यदि पिने छुं मदुसां दुने नं छुं दइमखु । थ्व विज्ञानया खँ खः । छिं विचाः यानादिसँ यदि छेँया अंगः दुसा दुने छुं दु यदि अंगः हे मदुसा दुने नं छुं दइमखु । अंगः दुने दुगु हे दइ खः । अंगः घेरा खः । दुने दुगु पनेत । उकिं मनू पिने जक खनेदु तर धात्थेंया मनू दुने दु – छिं मालादिसँ पक्का लुइ ।
– ओशोया प्रवचन सफूपाखें