zero media family planning adv

जीप दुर्घटनाय् तच्वकं घाःपाः जूपिं येँय् हल

नेवा: अनलाइन न्युज | २०७६ फाल्गुण २७, मंगलबार १४:०१:१२

गोरखाया सौरपानीइ जूगु जीप दुर्घटनाया घाःपाः जूपिन्त हेलिकोप्टरपाखें येँय् हःगु दु । बारपाक सुलिकोट गाउँपालिका–४ सौरपानीया केउरा धैगु थासय् थौं मंगलवाः बा१५च १०१६ ल्याःया जीप दुर्घटना जुयाः तच्वकं घाःपाः जूपिं प्यम्हेसित माउन्टेन एयरया हेलिकोप्टरपाखें येँय् हःगु खः । येँय् हःपिं घाःपाः जूपिं बिमला गुरुङ, रमा गुरुङ, विनोद गुरुङ व सिरिमान गुरुङ खः ।

घाःपाः जूपिन्त ग्रीन सिटी अस्पताल यंकूगु स्थानीय सीताराम गुरुङं जानकारी ब्यूगु दु । गुरुङं धाःगु दु, “घाःपाः जूपिन्त थ्यनाः यंकेमाःगुलिं छक्वलं प्यम्हेसित यंके मजिल । निगू लट यानाः घाःपाः जूपिन्त येँय् छ्वया ।”

मेपिं घाःपाः जूपिन्त धाःसा थप वासः यायेगु नितिं जिल्ला अस्पताल गोरखापाखे यंकूगु दु ।

सौरपानीं गोरखा सदरमुकामपाखे वनाच्वंगु जीप ब्रेक फेल जुयाः सतकं १०० मिटर क्वय् कुतुंवनाः १० म्ह मनूत घाःपाः जूगु खः ।

Categorized in दुर्घटना-अपराध