dudha jayanti 2568

जिल्ला प्रशासन ज्याकुथिं सःतल दुर्गा प्रसाईँ व महेश बस्नेतयात

नेवा: अनलाइन न्युज – ललेन्द्र शाक्य | २०८० मङ्सिर ४, सोमबार १२:४८:०३

जिल्ला प्रशासन ज्याकुथि येँपाखें मेडिकल व्यवसायी दुर्गा प्रसाईँ व नेकपा एमालेया नेता महेश बस्नेत पक्षयात सहलहया नितिं सःतूगु दु ।

वइगु मंसीर ७ गते एमालेया राष्ट्रिय यु वा संघ व प्रसाईँ पक्षं छगू हे थासय् ज्याझ्वः यायेगु तयारी यायेधुंकाः प्रशासनं सहलहया नितिं सःतूगु खः ।

लिपांगु ई प्रसाईँ व एमाले दथुया द्वन्द्व उत्कर्षय् थ्यंगु दु । सहलह लिपा निम्हेसित ज्याझ्वः जुइगु थाय् क्वःछिनाः बिइगु तयारी दूगु सीदूगु दु ।

मंसीर ७ गते निगुलिं पक्षं येँया फिब्व ख्यः माइतीघर मण्डलायात ज्याझ्वः जुइगु थाय् दाबी यानाः च्वंबलय् सरकारं धाःसा उगु थासय् निषेधाज्ञा जारी यानाः ज्याझ्वःया नितिं ब्यागलं ब्यागलं थाय् क्वःछीगु तयारी याःगु दु ।

जिल्ला प्रशासन ज्याकुथि येँपाखें थौं सोवाः न्हिनय् निगुलिं पक्षयात सःताः ज्याझ्वः व ज्याझ्वः जुइगु थाय्या विषयस सहलह ब्याकीगु जूगु दु ।

Categorized in राजनीति