zero media family planning adv

जिं क्यानसर ल्वय् पाखें मुक्त जुलः क्यान्सर अनुभबी योसिदा ( भिडिओ )

छिगु नां छु खः ?

जिगु नां योसिदा काकुको खः ।

छि ग्व दं दत ?

जि ७४  दँ दत ।

छितः  छुकिया क्यान्सर जुगु व गबले निसें क्यान्सर जुगु खः ?

जितः १७ दँ न्हयः निसें पाठेघरया क्यान्सर जुगु खः ।

क्यान्सर जुल धका सिइवं नर्भस मजुला  ?

क्यान्सर जुल धका स्यु बलय जि नर्भस मजु ।

छाय नर्भस मजुगु  थे ?

जि ट्रेकिंग वने बलयया पासां न्ह्याब्लें क्यान्सर जुल धासा ग्याय म्वाः क्यान्सरयात बांलाक्क वास याना बि फुम्ह डाक्टर छम्ह दु धकाः धया तःगुलिं  मग्उाना व क्यानसर जुइवं पासां धाःम्ह डाक्टर योकोउची हस्पिटलय वनाः क्यं वनाः गुके यानाः जितः योकोउची डाक्टर पाखें क्यानसर जुसा  न्हययपुक म्वायेगु लकस ब्वलंका बिल ।

डाक्तर योकोउची धाःम्ह  गयाम्ह व वयकलं गुगु कथं वासः यानादि ?

योकोउची ,क्यान्सर डाक्टर खः नर्मल डाक्टर वासलं क्यान्सर मलंगु जुगुलिं वयकलं कान्पोयाकु चाइनिज हर्बल उपचारबिधि स्पेसियालाईज याना दिगु खः । थौंकन्हय् वयकलं कान्पोयाकु उपचार बिधि पाखें क्यान्सरया उपचार यानाच्वनादिगु दु । वयकःया क्यान्सर हस्पिटलयागु नां योकोउची हस्पिटल खः ।

नर्मल हस्पिटलय क्यनेग झायादिया ला ?

वनाः क्यान्सर हस्पिटल वना बलय् जितः क्यान्सर डाक्टरतय्सं छाय तुरुन्त क्यं मवायाःगु तसकं लिपालाये धुंकल धकाः धाल व जितः तुरन्त कीमो यायेमाः धकाः डाक्टरतयसं सुझाब बिल । उबलय जि कीमो याये मखु धका धयाः कीमो मयात धाःसा न्यादँ जक म्वाइ धका ख्यात । तर जिगु कान्पोयाकु उपचार बिधि बिस्वास दुगु जुगुलिं सिइ माल्सा सिइ कीमो नं मयाना नर्मल क्यान्सर वास नं मयाना ,कान्पोयाकु उपचार बिधि पाखें जि थन तक म्वाये दत ।

छिगु बिचाः कथं क्यान्सर धयागु छु खः ?

क्यान्सर धयागु न्ह्याम्ह मनुयायात नं जुइफु ।  नये त्वने मिले मजुल कि, केमिकल वस्तु ,रेडियशन पिहाँ वइगु मेशिनरीत ,माइक्रो ओभनया छयलाबुल  ध्रुमपान आदि अप्वः जुल कि नं जुइयः तर थ्व प्राणघातक रोग मखु । जितः पाठेघरलय क्यान्सर जुगु खः ।

क्यान्सर जुइ न्हयः व जुइ  धुंकाया अनुभब छकः कनादिसँ ?

जि साधारणत अप्वः म्वा मदुगु बिचाः मयाना , क्यान्सर जइ धुका नं आः म्वा मदुगु चिन्ता मकाया । जिं थःत क्यानसर जुल धकाः सिइवं  कान्पोयाकु डाक्टर योकोउची याथाय उपचारया लागि वनाः ,वयकःया क्यान्सर सम्बन्धि बियादिगु जनकारीं जिं तसकं हे प्रभावित जुयाः जिं वयकयात अतिकं बिश्वास यानाःगु जुगुलिं पाठेघर क्यान्सर जुल धकाः ग्याचिकु वा थः सिइ धकाः बिचाः हे मयाना ।

छितः क्यान्सर जुगु ल्वय् जुगु बिषय यात कयाः छकः पुवंक जानकारी बियादिइत इनाप यानाः

जि २००२ साल अप्रिल महिनाबले म्हसुकु मदुगुलिं तोहो विश्व बिध्यालय ओमोरी हस्पिटललय  चेकअप याः वनाः उबलय् जिके पाठेघरलय क्यान्सर दु धइगु सिइकल । २००२ साल मे महिनाय जि योकोउची हस्पिटल वनाः डाक्टर योकोउचीया वास २००२ साल मे महिना निसें नयगु शुरु यानागु खः । २००२ साल जुलाई महिनाय तोहो विश्व बिध्यालय ओमोरी हस्पिटललय अप्रेशन याना पाठेघर लिकया बिल । हस्पिटलया डाक्टर तयसं नं ं कीमो मयासा याकनं सिइ धकाः धाल । तर जिंं बलय किमो मयासे डाक्टर योकोउचीयात हे बिश्वास यानाः व न्यादं लिपा वयककलं क्यान्सर ल्वय् मन्त , लन धकाः धयादिल । थ्वया लिपा दच्छि वासः नयाः आः जितः याँउसै. च्वं व क्यानसरं ल्वचं जि मुक्त जुगु दु ।

योकोउची हस्पिटलय वासः यायेत गुलिति ध्यवाः खर्च जुल ?

उगु इलय् मुक्कं २०,३० हजार  जक जापानी ध्यवा खर्च जुगु खः ।

कान्पोयाकु धयागु छु खः ?

कान्पोयाकु धइगु घांय व सिमा पाखें दयेकातःगु जडिबुडि वासः खः । केमिकल दयेकातःगु मखु ।

छिं स्वयेबलय् कीमो अलें कोगान्जाई धाः गु छु खः ?

जित ला कीमो धयागु बिख नयेगु खः धकाः तायेका जिं किमो मयानाःगु खः ।

अन्तय छिगु छु धायेगु दुकि ?

थःत थः म्हेस्यां बिश्वास यायेमाः, थथे यात धाःसा क्यानसर ल्वये नं मुक्त जुइ फू
थ्व प्राणघातक ल्वय् धकाः धका मच्वंसे न्ह्याब्लें मुसुमुसु न्हिला म्वायेगु हे जिवनया सार्थक खः ।

( थन क्लिक यानाः भिडिओ स्वयादिसँ )

नेवाः जागरण मचं जापानया सुनिल कुमार शाक्यं क्यानसर ल्वचं मुक्त जुइगु जन चेतनाया नितिं क्यानसर मुक्त जुम्ह जापानी नागरिक योसिदा काकुको कयादिगु भिडिओ अन्तर्वाता पाखें – स.