1142 nhoo dan adv

जापानय् रिमोटं चलेजुइगु बुलेट रेल परीक्षण

नेवा: अनलाइन न्युज – ललेन्द्र शाक्य | २०७८ मङ्सिर २, बिहिबार ११:४०:५६

जापानय् न्हापांगुखुसि स्वचालित बुलेट रेलया परीक्षण याःगु दु । बुधवाः संचारकःमि व सर्वसाधारणया उपस्थितिइ इस्ट जापन रेलवे कम्पनीं चालकरहित बुलेट ट्रेनया परीक्षण याःगु खः ।

बुधवाः सुथय् इस्ट जापान व रेलवे कम्पनीं चालकरहित बुलेट ट्रेनया परीक्षण याःगु द जापान टाइम्सं जानकारी ब्यूगु दु । श्रमिक अभाव दथुइ भविष्यय् चालकरहित बुलेट ट्रेन बजारय् हयेगु कम्पनीया योजनादथुइ उगु परीक्षण याःगु खः ।

परीक्षणया झ्वलय् १२ गु डिब्बा (कार) दूगु ई–७ बुलेट टे«नयात अटोमेटिक मोडय् तयेधुंकाः थः हे चलेजूगु खः । टे«नयात तापाक्कं कन्ट्रोल सेन्टरपाखें रिमोटं चलेयाःगु खः ।

निगाटा स्टेशनपाखें प्रतिघण्टा ११० किलोमिटरया लक्षित गतिइ ५ किलोमिटर वनेधुंकाः स्वचालित बुलेट ट्रेन थःहे द्यूगु खः ।

जापानय् व्यवसायिक प्रयोजनया नितिं चालकरहित बुलेट ट्रेनया परीक्षण याःगु थ्व न्हापांगुखुसि खः । परीक्षणया झ्वलय् सम्भावित आपतकालीन अवस्थाया सामना यायेत धासें चालकलिसें आपालं कर्मचारी स्वचालित बुलेट टे«ेन दुने हे च्वंगु खः ।

Categorized in अन्तर्राष्ट्रिय