Newa Ekata Diwas Gosthi Adv

जात्रा पर्वय् संयमित जुइत शताब्दी पुरुष जोशीया इनाप

नेवा: अनलाइन न्युज – विजयरत्न | २०७७ मङ्सिर १५, सोमबार १२:४६:३४

पत्रकार राष्ट्रिय दबूया कोरोना सचेतना ज्याझ्वः २५ ब्व पूवन

वाङ्गमय शताब्दी पुरुष सत्यमोहन जोशीं कोरोना भाइरसया महामारीया इलय् झी जात्रापर्व संयमित जुया हनेमाः धकाः धयादीगु दु ।

वयकलं थजाःगु महामारीयात हल्काकथं कायेमज्यू धकाः धयादिल ।

भाजु जोशीं करं यायेमाःगु जात्रा पर्व विधि पूवंकाः चिहाकलं क्वचायेकेमाः अले थुगुसिया कात्तिप्याखँ निन्हु जक मञ्चन यानाः सिधयेकुगुयात बांलाःगु दसू धकाः शताब्दी पुुरुष जोशीं धयादिल ।

नेवाः पत्रकार राष्ट्रिय दबू कोभिड १९ सचेतना कमितिं शनिवाः फेसबुक लाइभ ज्याझ्वःया २५ ब्वः थ्यंगु लसताय् वाङ्ममय शताब्दी पुरुष सत्यमोहन जोशीनाप खँल्हाबल्हा याःगु खः । हलिंयात आक्रान्त याःगु कोरोना भाइरसया संक्रमण तब्यानां वंगुलिं नेवाः पत्रकार राष्ट्रिय दबूपाखेँ थ्वः महामारीबारे सर्वसाधारणयात सुचं बिइगु लिसेँ, सचेत यायेत प्रजित शाक्यया संयोजकत्वय् कोभिड १९ सचेतना कवः नीस्वंगु खः । थ्व कमितिइ दुजलय् रचना श्रेष्ठ, मीना बज्राचार्य, तेजनाराण महर्जन, अनुप प्रधान व हसना लवःजू दु ।

शताब्दी पुरुष जोशीं खँल्हाबल्हाया झ्वलय् कोभिड १९ महामारीया इलय् अङ्ग्रेजी भाषं निगू नापं न्यागू सफू तयार यानागु सुचं बियादिल ।

शताब्दि पुरुष जोशीं यल महानगरपालिकां थःगु शतवार्षिकी हनेगु झ्वलय् वय्कःया नांया २५००, १००० र १०० तकाया सिक्का निस्कासन याःगु व नगरपालिकां झितकाया हुलाकी टिकट पिकायेगु कुतः यानाच्वंगु खँ नं कनादिल । उकेँ थ्व पल्सा पुलेत यलया विषयलय् न्यागू सफू तयार यानागु खः धकाः भाजु जोशीं धयादिल ।

अथेहे नेवाः पत्रकार राष्ट्रिय दबूया नायः सुरजवीर वज्राचार्यं कोभिड १९ सचेतना कवःया ज्याझ्वया २५ ब्वः थ्यंगुयात ‘माइलस्टोनया लसताया खँ खः धयादिसेँ निरन्तरताया कामना यानादिल ।

Categorized in नेवाः