zero media family planning adv

जात्रा दिके दइमखु धासें ख्वपया जनता दन

नेवा: अनलाइन न्युज – ललेन्द्र शाक्य | २०७७ चैत्र २४, मंगलबार ०९:२९:११

थिमिया बिस्काः जात्रा न्यायेकेत मेयर श्रेष्ठया इनाप

ख्वपया तःमधि त्वालय् सोमवाः स्थानीयपिन्सं बिस्काः जात्रा दिके दइमखु धासें ख्वपया जनसमुदाय सतकय् क्वाहाँ वयाः प्रदर्शन याःगु दु ।

सोमवाः सनिलय् स्थानीय बासिन्दापिं मुनाः जात्रा दिके दइमखु, कोभिडया नामय् संस्कृतिइ हस्तक्षेप याये दइमखु धासें प्रदर्शनय् क्वाहाँ वःगु खः ।

थ्वहे चैत्र २७ गतेनिसें ख्वपय् न्ह्याइगु बिस्काः जात्रा दिकेत जिल्ला स्तरीय कोभिड १९ संकट व्यवस्थापन संचालन केन्द्र (डिसिसिएमसी) या निर्णयविरुद्ध स्थानीय बासिन्दापिन्सं विरोध प्वंकूगु खः ।

बिस्काः जात्रा औपचारिकताय् जक सीमित यायेगु यकःति निर्णय यायेधुंकाः स्थानीय, जात्रालिसें सम्बन्धित सरोकारवाला संघ संस्थापिन्सं सोमवाः सांकेतिक विरोध याःगु खः ।

विरोध प्रदर्शनय् सहभागीपिन्सं जिमिगु जात्रा न्ह्याकेब्यु, नेतापिं होशिया, कोभिडया नामय् राजनीति याये दइमखु, जिमिगु जात्रा जिमिगु संस्कृति लिसेंया नारात थ्वयेकूगु खः ।

कोभिडया हे इलय् सभा, जुलुस, धर्ना लिसेंया भीडभभड ज्याझ्वःत नेतापिन्सं यानाः वयाच्वंगु तर दँय् छक्वः न्यायेकीगु जात्राय् रोक तयेगु धासें स्थानीयपिन्सं कडा रुपं प्रतिवाद याःगु खः ।

थुखे मध्यपुर थिमि नगरपालिकाया मेयर मदनसुन्दर श्रेष्ठं थिमिया बिस्काः जात्रा भव्य व सभ्य रुपं सचेतना कथं न्यायेकेत फुक्कसित इनाप याःगु दु ।

Categorized in स्थानिय-समाज