Mohanai 2078 KTM

जसपां प्रधानमन्त्रीयात लःल्हाःत प्यम्ह मन्त्रीया नां

नेवा: अनलाइन न्युज – ललेन्द्र शाक्य | २०७८ आश्विन २२, शुक्रबार १५:४७:०१

जनता समाजवादी पार्टी (जसपां) प्यम्ह मन्त्रीया नां प्रधानमन्त्रीयात लःल्हाःगु दु । नायः उपेन्द्र महतों बरिष्ठ नेता राजेन्द्र श्रेष्ठ, महेन्द्र राय यादव, रेणु यादव व रामसहाय प्रसाद यादवया नां लःल्हाःगु खः ।

स्रोतया कथं राजेन्द्र श्रेष्ठं संघीय मामिला व सामान्य प्रशासन, महेन्द्र रायं कृषि व पशुपंक्षी, रेणु यादवं भौतिक पूर्वाधार व यातायात लिसें रामसहाय प्रसादं वन व वातावरण मन्त्रालय कायेखनीगु जूगु दु ।

जसपा कार्यकारिणी समितिं मन्त्री छनोट यायेगु भाला नायः उपेन्द्र यादव, संघीय परिषदया नायः डा. बाबुराम भट्टराई व बरिष्ठ नेता अशोक राईयात ब्यूगु खः । स्वम्ह नेतां मन्त्री ल्ययेगुया मापदण्ड दयेकूगु खः ।

नेतापिनिगु कथं पूर्व राजपा पक्षपाखें वःपिं महेन्द्र राय यादव, अमृता अग्रहरी व प्रमोद साह दाबेदार खः । गुपिंमध्ये महेन्द्र राय मन्त्री जूगु दु । प्रदेश २ पिनेपाखें राजेन्द्र श्रेष्ठ व इतियाक राई व मिसापाखें रेणु यादव व अमृता अग्रहरी दाबेदार खः । श्रेष्ठ व यादवं मन्त्री जुइगु ह्वताः काःगु दु ।

सरकार व पार्टीया ज्यायात स्वायेगु भूीमका म्हितेफुम्ह मन्त्रीया रुपं नायः यादवं थः विश्वासपात्र तकं जूम्ह रामसहाय प्रसाद यादवयात ल्यःगु खः ।

Categorized in राजनीति