1142 nhoo dan adv

जलास्येँय् ४२० गः पत्थर !

२०७२ जेठ २६, मंगलबार ०९:३१:२८

चीनय् छम्ह मनूया जलास्येँपाखें ४२० गः पत्थर लिकाःगु दु । चीनया छगू स्थानीय पत्रिकाया बुखँ कथं पूर्वी झेजियांग प्रान्तय् डोंगयांगया छगू अस्पतालय् निघौतक अप्रेशन यानाः उम्ह मनूया जलास्येँपाखें थुलिमछि पत्थर लिकाःगु खः ।

अस्पतालया डाक्टरतय् कथं उम्ह ल्वगिं आपाः हे तोफु नइगु व लः म्हो त्वनीगुया लिच्वः खः थ्व । छुं ला न्ह्यवनिसें उम्ह मनू प्वाः स्यात धकाः डाक्टर क्यं वयाच्वंम्ह खः । डाक्टरतयसं सिटिस्क्यानपाखें वया मृगौलाय् थुलिपछि पत्थर खंकूबलय् डाक्टरपिं हे अजू चाःगु खः । डाक्टरतय् कथं भचा जक लिबाःगु जूसा वया छगः किड्नी हे लिकायेमालेफु ।

छगः किड्नीइ ४२० गः पत्थर आपाः खःसां थुकिं न्हू विश्वकीर्तिमान धाःसा त्वाःथलेमफु । गिनिज बुक अफ वल्र्ड रेकर्डसया कथं सन् २००९ स डाक्टरया छम्ह डाक्टरं स्वघौतक अप्रेशन यानाः छम्ह ल्वगिपाखें १,७२,१५५ गः पत्थर लिकाःगु खः ।