Newa Ekata Diwas Gosthi Adv

जर्मनीइ २० डिसेम्बरतक लकडाउन थप

नेवा: अनलाइन न्युज – ललेन्द्र शाक्य | २०७७ मङ्सिर ११, बिहिबार १६:००:४५

हलिंन्यंकं अप्वयाच्वंगु कोरोनाया ग्याःचिकुया दथुइ जर्मनीइ २० डिसेम्बरतकया नितिं आंशिक लकडाउन थप याःगु दु । अथेहे, सामाजिक सम्पर्कयात कयाः जारी प्रतिबन्धयात जनवरीतक थप यायेफइगु धाःगु दु ।

फेडरल स्टेटया मिनिस्टर प्रेसिडेन्टया लिसे जूगु मिटिंग लिपा भर्चुअल कन्फरेन्सय् चान्सलर एन्जेला मर्केलं थ्व खँया जानकारी ब्यूगु खः । वं धाःगु दु, यदि कोरोना संक्रमणया ल्याखय् कमी मवःसा जिमिसं प्रतिबन्धयात जनवरीया सुरुवाततक थप यायेफइगु विषयस चर्चा जूगु दु ।

जर्मनीइ आःतक थ्यंमथ्यं ९ लख ८३ हजार संक्रमणया घटना सार्वजनिक जुइधुंकूगु दु । जबकि १५ हजार मनूतसें कोरोनाया हुनिं थःगु ज्यान गुमेयाये धुंकूगु दु ।

हलिमय् आःतक ६ करोड ७ लखसिबें आपालं मनूत संक्रमित जुइधुंकूगु दु । उपिंमध्ये थ्यंमथ्यं ४ करोड २० लख मनूत संक्रमणमुक्त जुइधुंकूगु दु । जबकि १४ लख २६ हजार मनूतसें कोरोनाया हुनिं थःगु ज्यान गुमेयाये धुंकूगु दु ।

Categorized in अन्तर्राष्ट्रिय