nepal investment baink

जनबहाःद्यःया रथजात्रा न्यायेकेगु नितिं समारोह समितिं निंस्वंन

नेवा: अनलाइन न्युज | ने.सं. ११४४ चिल्लागा पञ्चमी (२०८० चैत्र १७ गते) शनिवाः

 

थ्वहे वइगु बैशा ४ गतेनिसें न्यान्हुयंकं न्ह्याइगु येँया दकले तःधंगु रथजात्रा जनबहाःद्यःया रथजात्रा न्यायेकेगु नितिं समारोह समितिं निंस्वंगु दु ।

थौ शनिवाः सुगय् येँया नेपाः ब्याकेटय् जुगु जात्रा पर्व सरोकारवालातय्गु भेलां थथे ११० दुजः दुथ्याःगु समारोह समिति निंस्वंगु खः ।

समितिया नायः लिसें जनबहाःद्यःया गुरुजु निलकाजी शाक्यया सभापतित्वय् जुगु उगु भेलां ३८ म्ह दुजः दुगु सचिवालय् निंस्वंगु दुसां समारोह समितिाया संयाजकयया भाला सुजिब बज्रचार्य व उप संयोजकया भाला गणपतिलाल श्रेष्ठयात ब्युगु दु । समितिया नायःया उजं कथं सचिवालयया न्ह्यापांगु मुज्यां सोमवाm २ बजे नेपाः ब्याकेटय् च्निगु जुगु दु ।

नायः शाक्यं बियादिगु जानकारी कथं सचिवालयया न्ह्यापांगु मुज्यां जात्रा तःजिक न्यायेकेगु नितिं थीथी भाला बिइत २५ उप समिति निस्वसनगु जुगु दु ।

थौंया भेलाय् सकसितं लसकुस गणपतिलाल श्रैक्ष्ठं यानादिगु खःसा अथे हे ज्याझ्वलय् बागमति प्रदेसया संस्कृति मन्त्री सैलेन्द्र बज्राचार्य , ७ न. क्षेत्रया सांसद गणेश पराजुली, गुथी संस्थानया मूख्य प्रकाशकिय प्रमूख किरण शाक्य, मंकाः खलया दांधरी गणेश सायमी , नेवाः देय् दबूया नायः पवित्र बज्राचार्य, जनसेवा प्रहरी प्रभागया प्रमूख रुकेश दतडुकार लिसें येँया थीथी प्रहरी प्रभागया प्रमूखपिं उपस्थिति जुगु खः ।

 

Categorized in राष्ट्रिय