nepal investment baink

जनबहाःद्यःया दर्शनार्थ राष्ट्रपति वइगु

नेवा: अनलाइन न्युज – ललेन्द्र शाक्य | ने.सं. ११४४ चिल्लागा सप्तमी (२०८० चैत्र १९ गते) सोमवाः

जनबहाःद्यःया दर्शन यायेगु नितिं राष्ट्रपति रामचन्द्र पौडेल वइगु जूगु दु ।

सेतो मच्छिन्द्रनाथ रथजात्रा व्यवस्थापन समितिपाखें थौं सोमवाः राष्ट्रपति पौडेलयात नापलासें ब्वनापौ लःल्हाःगु खः ।

थ्वहे वइगु चौलाथ्व अस्तमि निसें न्यान्हुयंकं न्ह्याइगु जनबहाःद्यः रथजात्राया न्हापांगु दिं बैशाख ४ गते जमलं असनय् याः न्यायेधुंकाः राष्ट्रपति पौडेल बहनी १० ता इलय् जनबहाःद्यः दर्शनार्थ वइगु बचंब्यूगु दु ।

ब्यवस्थापन समितिया नायः निलकाजी शाक्यया नेतृत्वय् राष्ट्रपति पौडेलयात नापलायेत वंगु पुचलं जनबहाःद्यःया महत्व व थुगु जात्रायात कयाः राष्ट्रपतियात जानकारी ब्यूगु खः ।

राष्ट्रपति नापलायेगु ज्याझ्वलय् पूर्वमन्त्री कृष्णगोपाल श्रेष्ठ, भिमसेनदास प्रधान, येँ महानगरपालिकाया उपप्रमुख सुनिता डंगोल, न्हूदँ समारोह समितिया नायः प्रा.डा. नरेशमान बज्राचार्यलिसेंव्यवस्थापन समितिया दुजःपिं उपस्थित जूगु खः ।

Categorized in राष्ट्रिय