Header Nepal rastra bank Adv

जनबहाःद्यःयाबारे सीके

नेवा: अनलाइन न्युज | २०७१ चैत्र १३, शुक्रबार १०:०६:०३

  • जनबहाःद्यःयात सहकालया द्यः, करुणामय, आर्यावलोकितेश्वर व जनबहाःद्यःया नामं म्हस्यू ।
  • जनबहाःद्यः च्वनीगु बहाः कनकचैत्य महाविहार (जनबहाः)या स्थापना ने.सं. २५६ पाखे लिच्छविकालीन जुजु नरेन्द्रदेवया पालय् जूगु खँ छगू हस्तलिखित ग्रन्थय् उल्लेख दु । उगु ग्रन्थ राष्ट्रिय अभिलेखालयय् सुरक्षित तयातःगु दु ।

  • जात्रायात राजकीय सम्मान बियातःगु दु । उकिं जुजुया खड्ग व गुर्जुपल्टन मवयेकं जात्रा न्ह्याइमखु ।
  • धार्मिक मान्यता कथं उसाँय् बांलायेमाः धकाः जनबहाःद्यःयाथाय् देवा च्याकीगु चलन दु । थथे देवाः च्याकीबलय् बांलाक च्यात धाःसा उसाँय् बांलाइगु जनविश्वास दु ।
  • जनबहाःद्यःयात मदुपिं मनूतय्त स्वर्गय् यंकीम्ह द्यः कथं नं नालातःगु दु । दिवंगतपिनि नामय् छेँजःपिंसं जनबहाःद्यःयाथाय् मत च्याकीगु चलन दु ।

  • नेवाःतयसं थःगु बुन्हिबलय् जनबहाःद्यःया प्रार्थना यायेगु, मत च्याकाः भक्तिभाव प्वंकाच्वंगु दु ।
  • जनबहाःद्यःया रथया हाकः ३२ ल्हाः दइ । अशक्त, बुराबुरिपिंसं तकं जनबहाःद्यःया रथयात्राया इलय् थःगु छेँया पल्लिं द्यःया दर्शन यायेफयेमाः धकाः थुकथं छेँसिबें द्यःया रथ तःजाः याःगु धाइ ।
  • स्वन्हुयंकंया जनबहाःद्यःया रथयात्रायात स्वर्ग, मत्र्य, पातालया यात्रा कथं नं कयातःगु दु ।

  • जनबहाःद्यःया रथया घःमाःयात नागया प्रतीक कथं कयातःगु दुसा घःचाःयात भैरवया प्रतीक कथं कयातःगु दु । रथय् तइगु तोरणयात गरुड, नाग व मकरया प्रतीक कथं कयातःगु दु ।
  • रथय् च्वंनिसें क्वय् थ्यंक लीया पताः तइसा रथय् चन्द्रमा व सूद्र्यः दुगु ख्वाःपाः तइ ।
  • जनबहाःद्यःया रथयात्राबलय् द्यःखः क्वदल वा छुं नं विघ्नबाधा जूसा देसय् तःधंगु संकट वइगु जनविश्वास दु ।