nepal investment baink

जनगायक श्रेष्ठ व सदाबहार गायक वैद्यया लुमन्तिइ सांगीतिक ज्याझ्वः याइगु

नेवा: अनलाइन न्युज – निश्चल | ने.सं. ११४४ सिल्लाथ्व पष्ठी

झी अमर कलाकारपिं जनगायक भृगुराम श्रेष्ठ व सदाबहार वरिष्ठ म्येहालामि योगेश वैद्यया लुमन्तिइ सांगीतिक श्रदाञ्जली सभा याइगु जूगु दु । नेवाः कलाकारपिं मुनाः याइगु उगु ज्याझ्वलय् लोकं ययेकूपिं कलाकारपिन्सं वय्कःपिनिगु म्ये हालादीगु ग्वसाः जुया च्वंगु दु । किपूया किर्तिपुर सिनेप्लेक्सय् जुइगु थुगु ज्याझ्वःया संयोजक जुजुकाजी रंजित खःसा आर्थिक कवः वय्कःया हे नेतृत्वय् वरिष्ठ दांभरी म्येहालामि संगीत शाक्य व दुजः म्येच्वमि शैलेश शाक्य बरेजु च्वनाः दयेकादीगु दु । ज्याझ्वः ग्वसाःया नितिं सकल कलाकारपिं छवाः जुयाः मुनादीत इनाप यासें संयोजक रंजितं बिनावंपिं कलाकारपिनिगु लुमन्तिइ थज्यागु सांगितिक ज्याझ्वः निरन्तर जुइगु जुयाः मन क्वसाःपिन्त ग्वाहालिया नितिं नं इनाप यानादीगु दु । ग्वसाः कमिटीइ ल्यू–संयोजक मनराजा नकःमि, सचिव आर्यम नकर्मी व दुजःपिं नविन जोशी, विजयलाल डंगोल च्वनादीगु दु ।

 

Categorized in नेवाः