Arin Enterprises

जनकवि दुर्गालाल श्रेष्ठपाखें राजेन्द्र श्रेष्ठयात समर्थन

नेवा: अनलाइन न्युज – ललेन्द्र शाक्य | २०७९ कार्तिक २९, मंगलबार १४:२८:१५

येँया क्षेत्र नम्बर ७ पाखें उम्मेदवारी बियादीम्ह नेवाः न्ह्यलुवाः, पहिचानवादी नेता कथं कयातःम्ह राजेन्द्र प्रसाद श्रेष्ठयात जनकवि दुर्गालाल श्रेष्ठं समर्थन यानादीगु दु ।

जनकवि श्रेष्ठं सामाजिक संजालपाखें छगू भिडियो पितब्युसें प्रतिकात्मक भाषां संविधान, धर्म निरपेक्षता व संघीयतायात म्वाकातयेगु नितिं राजेन्द्र श्रेष्ठयात कुसा चिन्हय् छाप तयाः भोट बियाः त्याकेत इनाप यानादीगु खः ।

थ्वया न्ह्यः नेवाः न्ह्यलुवाः मल्ल के सुन्दरं नं राजेन्द्र श्रेष्ठयात संसदय् थ्यंकेगु नितिं सकल आदिवासी जनजाति नेवाःतसें वय्कःया चिं कुसा चिन्हय् छाप तयाः अत्याधिक मतं त्याकेत इनाप यानादीगु खः ।

राजेन्द्र श्रेष्ठयात त्याकेगु नितिं नांजाःम्ह कलाकार राजेन्द्रमान शाक्यया संयोजकत्वय् राजेन्द्र श्रेष्ठ सहयोग समिति नीस्वनाः प्रचारप्रसारया ज्याझ्वः न्ह्याकाः वयाच्वंगु दु ।

Categorized in नेवाः