prabhu baink new

जनकविया कभर–म्ये म्युजिक भिडियो पिदनीगु, खुम्ह न्हूप्रतिभातय् सांगीतिक ज्याझ्वः जुइगु

नेवा: अनलाइन न्युज – Rakesh Maharjan | २०७७ श्रावण २, शुक्रबार १२:०७:३२

येँ – जनकवि दुर्गालाल श्रेष्ठया बुदिंया लसताय् वय्‌कःया छपु कभर–म्येया म्युजिक भिडियो सार्वजनिक जुइत्यंगु दु ।

जनकविया बुदिंया लसताय् नेवाः अनलाइन न्युज, जनजाति खबर व नेवाः युट्युबपाखेंं कन्हय् साउन ३ गते उगु म्युजिक भिडियो पिथनेत्यंगु खः ।

शनिवाः न्हिनसिया ४ ताः इलय् छगू सांगीतिक ज्याझ्वःया दथुइ उगु कभर म्येया म्युजिक भिडियो पिदनेत्यंगु दु ।

उगु कभर म्येय् निभाः डंगोलं सः बियादीगु दुसा यचु शाक्यया लय् दु । म्युजिक भिडियोया निर्देशन यौवन शाक्यं यानादीगु दुसा थुकी सिनेमाटोग्राफी पुष्पं यानादीगु दु ।

खुम्ह न्हूप्रतिभातय् सांगीतिक ज्याझ्वः

म्युजिक भिडियो पिदनीगु उगु हे ज्याझ्वलय् न्हूपिं खुम्ह प्रतिभातय्सं सांगीतिक ज्याझ्वः नं न्ह्यब्वइगु जूगु दु ।

माया रे रतन कभर म्येकासाय् त्याःपिं खुम्ह न्हूप्रतिभातय्‌सं उगु हे ज्याझ्वलय् थःगु सांगीतिक प्रस्तुति न्ह्यब्वयेत्यंगु खः ।

 

Categorized in नेवाः