zero media family planning adv

छ हे खः पासा (चिनाखँ)

–रीदेन महर्जन, किपू-१

छन्त दुखः जुइगु तायेकाः
जिं छन्त हे तुं मतिना याना
तर छ ला !
जितः हे तुं दुःख यानाः
गबलें नापलाये मदयेक वन ।।

मतिनाला जिं छन्त हे तुं यानागु खः
छंगु नुगःया जः जुयाः
तर छ ला !
जिगु जीवनय् आमैया चाः जुयावन
छंगु जीवनय् दुखय् न्ह्याबले बःबिइगु याना
तर छ ला !
जिगु जीवनय् दुःखय् तकं किचः मदुम्ह जुयावन ।।

अय्सां तबि थ्व नुगल
न्ह्याबले छन्त हे तुं मतिना यानाः च्वनी
जुगौं जुग छन्त हे थः नालाः च्वनी
ख्वःगु नुगः, स्यागु नुगः छखे तया ।।