zero media family planning adv

छ्याकः ल्वहँतय् थुकलं बिल

नेवा: अनलाइन न्युज | २०७२ पौष २७, सोमबार १५:१८:३१

किपू नगरपालिका ३ वडा चिथु त्वाः मंगल उच्चमावि लिक्कच्वंगु छ्याकः ल्वहंयात पृथ्वीनारायण शाहया प्रतीककथं थौं थुकलं ब्यूगु दु । 

आदिवासी जनजाति जागरण अभियानया न्हापांगु चरणया ज्याझ्वः क्वचाःगु घोषणासहित थुकथंया ज्याझ्वः याःगु खः । 

ज्याझ्वः न्ह्यः किपूया लाय्कुली छगू सभायासें जागरण अभियानं न्ह्याकूगु ज्याझ्वःयात कयाः न्ववानादीगु खःसा थ्वयालिपा ¥यालीसहित छ्याकःल्वहँतय् थुकलं ब्यूगु खः । 

आदिवासी जनजाति जागरण अभियानया कजि अर्जुन महर्जनया सभापतित्वय् जूगु ज्याझ्वलय् नेवाः देय् दबूया नायः नरेश ताम्राकार, ज्यापु महागुथिया नायः राजभाइ जकःमि, नेपाल खड्गी सेवा समितिया नायः मनोज नेवाः, संघीय समाजवादी नेवाः संघया मनरत्न शाक्य, नेवाः पत्रकार राष्ट्रिय दबूया नायः श्रीकृष्ण महर्जनलिसें आदिवासी जनजातिपिनिगु सहभागिता दुगु खः । 

Categorized in नेवाः