zero media family planning adv

छेँ, क्वथा बालं च्वनिपिनीगु विवरण संकलन यायेत गृहया परिपत्र

नेवा: अनलाइन न्युज | २०७६ पौष २८, सोमबार २१:०३:०९

प्रहरी स्वनिगःया लिसें थीथी शहरय् बालं च्वनाच्वपिंनिगु विवरण संकलन याइगु जुगु दु । गृह मन्त्रालयं प्रहरी प्रधान कार्यालययात घरधनी पाखें कोठा बालं काइ पिनीगु विवरण संकलन यायेत परिपत्र याःगु दु ।मू शहरी लागाय् बालं कयाः आपराधिक गतिविधि यानाच्वंगु निष्कर्ष गृह मन्त्रालय नं पिकाःगु खः ।थीथी व्यक्ति तथा व समूह पाखें आपराधिक गतिविधि यायेगु, खुँ, डकैती, लुटपाट, बैंकिङ कसुर थें जाःगु आर्थिक अपराध, साइबर अपराध, यौनजन्य क्रियाकलाप व विस्फोटक पदार्थया भण्डारण व प्रयोग यानाः विध्‍वंसात्मक लिसें अराजक गतिविधि यायेगु ज्या यानाच्वंगु गृह न्ह्यथंगु दु । गृह मन्त्रालय विवरण संकलन यायेगु नमु्ना तकं दयेका प्रहरीयात ब्यूगु दु । छेँ व कोठा बालं बिइबलय्  बालं च्वनिपिनीगु व्यक्ति, संस्था, कार्यालयया म्हसिका खने दइगु भ्वंया विस्तृत विवरण जानकारी व त्वःता वंगु विवरण व जानकारी तक थः सतिगु स्थानीय प्रहरी इकाईलय्  अनिवार्य रुपय् बिइमाःगु व प्रहरी अद्यावधिक अभिलेख तयेमाःगु निर्णय जुगु गृह प्रवक्ता केदारनाथ शर्मा जानकारी ब्यूगु दु ।

 

Categorized in राष्ट्रिय