नेवा: अनलाइन न्युज | २०७२ बैशाख २०, आइतबार १९:२९:१०

बैशाख १२ गते शनिवाःया तःभुखाचं यक्व छेँ स्यंकूगु दु । यक्व छेँ दुंगु दुसा ल्यं दुगु छेँत नं भूबाःगु दु । गुकिया हुनिं मनूत अझ नं थःथःगु छेँय् वनेत ग्यानाच्वंगु दु । 

त्रिभुवन विश्वविद्यालय, इन्जिनियरिङ अध्ययन संस्थानया भूकम्प क्षति अध्ययन कार्य दलं थःगु छेँ थम्हं गुकथं निरीक्षण यायेगु धइगु सुझाव ब्यूगु दु । 

चाःहिलाःगु बँ धसय् जूगु, बाःगु दु कि मदु बांलाक स्वयादिसँ व क्वय् बियागु विवरण छगू छगू यानाः क्ववालादिसँ व छेँय् च्वने ज्यू कि मज्यू धइगु बारे थम्हं हे निष्कर्ष पिकयादिसँ ।

थ्व सुचं सामान्य जानकारीया निंतिं जक जूगु व प्राविधिक निष्कर्ष सहितया सल्लाह मखुगु अध्ययन कार्य दलं धाःगु दु । 

पिलरवाला छेँ 

१.१ छेँय् च्वने मज्यूगु अवस्था 

• छेँ गनं धेचुलाच्वंगु दुसा (सामान्य मिखां स्वयेबलय् धेचुलाच्वंगु दु धइथें ताःसा वा मिस्त्रीं गं छ्यलाः छेँया कुंत गंचाकथं मदुसा) 
• पिलर, विम, टाइ विम, स्लाव सिलिङत भूबाःगु खनेदुसा वा ढलान तज्यानाच्वंगु दुसा
• पिलर व विम स्वानाच्वंगु थासय् भूबाःगु वा स्वापू त्वाःदःगु दुसा 
• विम व स्लाव स्वानातःगु थासय् भूबाःसा वा त्वाःदःस
• टाई विम भूबाःसा वा लच्कय् जूसा वा सरय् जूसा 
• बँ क्वय्या लः ट्यांकी, सेप्टिक ट्याङ्क तज्द्ययानाः रसायनत बँय् खनेदुसाव छ्यलिया बँत भासय् जूगु वा धसय् जूगु दुसा 
• थःगु छेँय् च्वय् न्ह्यथनागु छुं जूगु मदु तर जःलाखःलाया छेँ थःगु छेँपाखे धेचुला पूवंक छेँ वा प्यारपिट जक नं कुथुं वने फुगु अवस्थाय् दुसा वा मेपिनिगु छेँ धेचुला छिगु छेँय् तिबः कयाच्वंगु दुसा 
• छ्यलि वा मेगु तगिं त्वःधूगु÷भासय् जूगु दु तर मेमेगु तगिंत पाय्छि जूसां छेँय् च्वने मज्यू । 

१.२. च्वने मज्यूगु अवस्था ः 

• क्वय् न्ह्यथनाकथंया सामान्य क्षति जक जूगु छेँ÷कोथा छ्यले ज्यूगु अबस्था 
• पःखाः वा पःखाः व विमया दथुइ सामान्य भूबाःगु दुसा 
• वाल्कोनि व बरन्डात भूबाःगु वा चर्कय् जूगु दुसा (उज्वःगु बाल्कोनि÷बरन्डा क्वय् वयेवने मयासें सावधान जुयाः च्वने ज्यूगु ।)
• च्वय् न्ह्यथनागु च्वने मज्यूगु गुगुं क्षति मजूगु तर गुगुं क्वाथाया पार्टेसन वाल जक चर्कय् जूगु दुसां नं उगु कोथाय् मच्वनाः मेमेगु पार्टेसन वाल चर्कय् मजूगु कोथाय् च्वनेगु सुरक्षित जुइ । 

अप्पा÷ल्वहंया पःखालं दनातःगु (वाल)

२.१ छेँ छ्यले मज्यूगु अवस्था 

• छेँ गनं धेचुलाच्वंगु दुसा (सामान्य मिखां स्वयेबलय् धेचुलाच्वंगु दु धइथें ताःसा वा मिस्त्रीं गं छ्यलाः छेँया कुंत गंचाकथं मदुसा)
• पःखाः पिने वा दुने निखेरं भूबायाच्वंगु दुसा । पःखाः व सिलिङ स्वानातःगु थासय् चर्कय् जूगु दुसा 
• जगया पःखालय् गुगुं भू खनेदुसा । कोथाया कुनय् (पःखाः स्वानातःगु थासय्) तप्यंगु भू पूवंक पःखालय् दुसा 
• थःगु छेँय् च्वय् न्ह्यथनागु छुं जूगु मदु तर जःलाखःलाया छेँ थःगु छेँपाखे धेचुला पूवंक छेँ वा प्यारपिट जक नं कुथुं वने फुगु अवस्थाय् दुसा वा मेपिनिगु छेँ धेचुला छिगु छेँय् तिबः कयाच्वंगु दुसा 
• जगय् तप्यंक भूबाःगु दुसा 
• त्रिभुज आकारया चुरि (वैकल) या पःखाः दुनाच्वंगु अवस्थाय् ।

२.२ क्वय् न्ह्यथनाकथंया सामान्य क्षति जक जूगु छेँ÷कोथा छ्यले ज्यूगु अवस्था 

• पःखाः व सिलिङय् प्लास्टर जक भूबाःगु वा कुथुंवःगु दुसा 
• वालया छखे जक सामान्य चर्कय् जूगु दुसा 
• जग व पेटि स्वानातःगु थासय् सामान्य चर्कय् जुयाच्वंगु दुसा (मू पःखालय् छुं लिच्वः लानाच्वंगु मदुसा छ्यले ज्यू)