prabhu baink new

छुरा प्रहार जग्गा विवादय्

नेवा: अनलाइन न्युज – ललेन्द्र शाक्य | २०७७ भाद्र २६, शुक्रबार १६:३३:१८

ज्वःगु ल्वाभः प्रहार याःगु अभियोगय् प्रहरीं निम्हेसित गिरफ्तार याःगु दु । बैतडीया डिलासैनी सिमारया ओकिल रानायात ज्वःगु ल्वाभः छुरा प्रहार यानाः घाःपाः याःगु द्वपनय् वहे थासय् च्वंम्ह हरिश राना व जनक रानायात बिहिवाः न्हिनय् प्रहरीं गिरफ्तार याःगु खः ।

ओकिल, जनक व हरिश दथुइ जग्गाया विषयस ल्वापु जुयाः हरिशं ओकिलया प्वाथय् छुरा प्रहार यानाः घाःपाः याःगु खबर वयेखतं प्रहरी चौकी सिमारं खटेजूपिं प्रहरीं घटनाय् दुथ्याःपिं निम्हेसित गिरफ्तार याःगु जानकारी ब्यूगु दु ।

छुरा प्रहारपाखें घाःपाः जूम्ह ओकिलयात वासः यायेगु नितिं गोकुलेश्वर अस्पताल यंकूगु खःसा थप वासः यायेगु नितिं जिल्ला अस्पताल डडेल्धुरापाखे छ्वःगु प्रहरीं जानकारी ब्यूगु दु ।

अथेहे, तेह्रथुमया लालीगुराँस नगरपालिका लसुनेया सलबहादुर तामाङयात ज्वःगु ल्वाभः खकुरी प्रहार यानाः तच्वकं घाःपाः याःगु द्वपनय् वया हे दाजु रामबहादुर तामाङ बिहिवाः बहनी प्रहरीया फन्दाय् लाःगु दु ।

थःगु हे छेँय् वःम्ह किजायात मादक पदार्थ सेवन  यानातःम्ह रामबहादुरं घरायसी विवादया हुनिं खुकुरी प्रहार यानाः तच्वकं घाःपाः याःगु सुचं वयेखतं प्रहरी चौकी लसुनेपाखें खटेजूपिं प्रहरीं रामबहादुरयात खुकुरीलिसें गिरफ्तार याःगु धाःगु दु ।

रामबहादुर तकं पुली घाः जुयाः घाःपाः जूगुलिं निम्हेसित वासः यायेगु नितिं घरान घोपापाखें यंकूगु जानकारी ब्यूगु दु । थ्व सम्बन्धय् स्थानीय प्रहरीं आवश्यक अनुसन्धान यानाच्वंगु धाःगु दु ।

Categorized in दुर्घटना-अपराध