नेवा: अनलाइन न्युज – ललेन्द्र शाक्य | २०८० भाद्र २४, आइतबार १२:४८:०९

बिस्कं कथंया मोहनीं जाःगु सःया धनी सत्यनारायण मानन्धरया न्हूगु नेपालभाषाया म्ये पिदनीगु जूगु दु ।

स्वनिगःया ख्वपया नांजाःम्ह म्येहालामि सत्यनारायण मानन्धरया आः पिदनेत्यंगु न्हूगु नेपालभाषाया म्येय् न्हूगु छ्यलाबुला कथं छपू म्येय् प्यंगू ताल दुथ्याकाः पिदनेत्यंगु जानकारी नांजाःम्ह संगीतकःमि हरिशरण सायमिं जानकारी बियादीगु दु ।

म्येहालामि मानन्धरया सलय् पिदनेत्यंगु न्हूगु सवाःया नेपालभाषाया म्येया च्वमि जनकवि चन्द्रबहादुर उलक खःसा थुगु म्येया लय् चिनामि स्वयं म्येहालामि सत्यनारायण मानन्धर हे खःसा संगीत संयोजन नांजाःम्ह संगीतकःमि जीवित जल्मीं यानादीगु खः ।

अथेहे, थुगु म्ये संगीतकःमि हरिशरण सायमिया स्ट्रीङस् रेकर्डिङ स्टुडियोस रिकर्ड जूगु खः ।

म्येहालामि सत्यनारायण मानन्धरया आपालं लोकंह्वाःगु म्येत दुसा वय्कःया जनकवि दुर्गालाल श्रेष्ठं च्वयादीगु ‘जिगु देश छ यः, छ जितः अति यः...’ म्ये अतिकं लोकंह्वाःगु म्ये खः ।

Categorized in कला