prabhu baink new

छन्हुं हे थौं शुक्रवाः स्वनिगलय् २,४०२ म्ह कोरोना संक्रमित थप

नेवा: अनलाइन न्युज – ललेन्द्र शाक्य | २०७७ आश्विन ३०, शुक्रबार १६:४२:५२

स्वनिगलय् थौं शुक्रवाः छन्हुं हे २,४०२ म्ह कोरोना संक्रमित थप जूगु दु ।

देय् न्यंकं ४,३९२ म्हेसिके कोरोना पुष्टि जूगुलि स्वनिगलय् जक २,४०२ म्ह थप जूगु दु ।

स्वास्थ्य मन्त्रालयया नियमित पत्रकार सम्मेलनय् मन्त्रालयं १६,५३१ म्हेसिगु पीसीआर परीक्षणय् ४,३९२ म्हेसिगु रिपोर्ट पोजेटिभ वःगु जानकारी ब्यूगु खः ।

अथेहे, थौं २४ घौ दुने ३,५२२ म्ह कोरोना संक्रमणमुक्त जुयाः छेँय् लिहाँ वंगु दु । थौंतक लंकाः छेँय् लिहाँ वंपिनिगु ल्याः ८८ हजार ४० म्ह थ्यंगु दु ।

स्वनिगलय् थप जूपिं मध्ये येँय् १,७८४ म्ह, यलय् ३७४ म्ह व ख्वपय् २४४ म्ह जूगु दु ।

थौंतकया दुने देय् न्यंकं मुक्कं संक्रमित ल्याः १,२६,१३७ म्ह थ्यंगु दु ।

Categorized in राष्ट्रिय