zero media family planning adv

च्याम्पियनस लिगया सेमिफाइनलय् म्यानचेस्टर सिटी

नेवा: अनलाइन न्युज – ललेन्द्र शाक्य | २०७८ बैशाख २, बिहिबार १२:३२:३७

बोरुसिया डरटमन्डयात बुकूसें म्यानचेस्टर सिटी च्याम्पियन्स लिग फुटबलया सेमिफाइनलय् दुहाँ वंगु दु । वंगु चान्हय् निगूगु लिगय् सिटीं २-१ या गोल अन्तरं त्याकूगु खः ।

थ्वसिबें न्ह्यः घरेलु मैदानय् सिटीं २-१ या गोल अन्तरं हे त्याकूगु खः । १५ औं मिनेटय् डरटमन्ड. बेलिन्गामया आकषृक गोलं अग्रता काःबलय् सिटी दबाबय् लाःगु खः ।

निगूगु हाफय् डरटमन्डया इमर क्यानं पेनाल्टी एरिया दुने बल ल्हाःतं थिइधुंकाः कासां न्हूगु मोड काःगु खः ।

महरेजं पेनाल्टी गोल यायेधुंकाः सिटी झन् आक्रामक जूगु खः । फिल फोडेनं गोल यानाः सिटीया जित सुनिश्चित याःगु खः ।

Categorized in कासा