nepal investment baink

चेक रिपब्लिकया क्रिस्टिनां त्याकल ‘मिस वर्ल्ड’ या उपाधि

नेवा: अनलाइन न्युज – ललेन्द्र शाक्य | ने.सं. ११४४ सिल्लागा अमाई (२०८० फागुन २७)

मिस वर्ल्ड २०२४ या उपाधि चेक रिपब्लिकया क्रिस्टिना पिस्कोभां त्याकूगु दु ।

शनिवाः बहनी भारतयामुम्बईया जियो कन्भेन्सन सेन्टरय् ग्वसाः ग्वःगु फिनालेय् पिस्कोभायात मिस वर्ल्ड उपाधिया घोषणा याःगु खः ।

क्रिस्टिना ११७ देसया प्रतिस्पर्धी सुन्दरीपिन्त ल्यूने लाकूसें ७१ औं मिस वर्ल्डया उपाधि त्याकेत ताःलाःगु खः ।

२४ दँया पिस्कोभा अन्तर्राष्ट्रिय मोडल, स्वयंसेवक व विद्यार्थी खः ।

मिस वर्ल्ड २०२२ क्यारोलिना विलाव्स्कां क्रिस्टिना पिस्कोभायात ताज पुइकूगु खः ।

एसियाली मुलुक लेबनानया यास्मिना जायतौन फस्ट रनरअप घोषित जूगु खः ।

Categorized in अन्तर्राष्ट्रिय