Header Nepal rastra bank Adv

चीनय् भुखाचं प्यम्ह सित

नेवा: अनलाइन न्युज – ललेन्द्र शाक्य | २०७९ जेठ १९, बिहिबार १५:०८:५०

चीनया दक्षिण पश्चिम सिचुुआन प्रान्तया याआन सहरय् बुधवाः न्हिनय् ब्वःगु ६.१ रेक्टरस्केलया भुखाय् लानाः प्यम्ह मनूत सीगु दुु । उगुु भुखाचय् लानाः मेपिं ४० म्हसिबें अप्वः मनूत घाःपाः जूगु दु ।

बिहिवाः सुथय् ९ ता ईतक बाओक्सिङ काउन्टीइ ३४ व लुसान काउन्टीइ ११ म्ह घाःपाः जूगु छगू पत्रकार सम्मेलनय् जानकारी ब्यूगु खः ।

घाःपाः जूपिन्त वासः यायेगु नितिं अस्पताल छ््वःगु दु । उपिंमध्ये छम्हेसिगु अवस्था तच्वः जूगु जानकारी ब्यूगु दु । तच्वकं घाःपाः जूपिं निम्हेसिगु अवस्था आः स्थिर जूगु दु । मेपिं ३८ म्ह सामान्य घाःपाः  जूगु दुसा तत्काल छुं खतरा मदु ।

भुखाचं याआनय् १३ हजार ८ज्ञ म्ह लिच्वः लाःगुु दु । उगु भुखायया केन्द्रविन्दु १७ किलोमिटर जमिन क्वय् ३०.४ डिग्र्री उत्तर अक्षांश व १०२.९ डिग्री पूर्वी देशान्तरय् अनुगमन याःगु भुखाय् मापन केन्द्रं जानकारी ब्यूगु दु ।

Categorized in अन्तर्राष्ट्रिय