नेवा: अनलाइन न्युज – ललेन्द्र शाक्य | २०७८ फाल्गुण २९, आइतबार १२:३६:३६

चीनय् कोरोना भाइरसया संक्रमण हाकनं तीव्र रुपं ब्वलंगु दु । आइतवाः चीनय् थ्यंमथ्यं ३ हजार ४ सय म्ह न्हूपिं संक्रमित लुयावःगु खः ।

चीनया राष्ट्रिय स्वास्थ्य आयोगया कथं न्हूपिं संक्रमितपिनिगु थ्व ल्याः सन् २०२० या फेब्रुअरी महिना लिपा छन्हुं हे खनेदूगु दकले अप्वः खः ।

संक्रमितपिनिगु ल्याः ह्वात्त हे अप्वयेधुंकाः सांघाइस च्वंगु फुक्क स्कुलत बन्द याःगु दुसा पूर्वोतर छुं छुं सहरय् लकडाउन याःगु दु ।

हलिंन्यंकं कोरोना संक्रमितपिनिगु ल्याः ४४ करोड ६६ लखसिबें अप्वः दु । सीपिनिगु ल्याः ६० लख जःखः दु । लिपांगु लच्छिया दुने हलिंन्यंकं कोरोनाया ५ करोडसिबें अप्वः संक्रमितपिं लुयावःगु दुसा निगू लखसिबें अप्वः मनूतसें ज्यान गुमेयाःगु दु ।

संक्रमित अप्वयेधुंकाः फ्रान्सं ८० दँसिबें च्वय् च्वंपिं नागरिकपिन्त कोरोना भाइरसया प्यंगूगुु मात्रा बिइगु तयारी न्ह्याकूगु दु । बुस्टर जोड काःगु स्वला पूवनेधुंकूपिन्त प्यक्वःगु मात्रा बिइगु फ्रान्सया प्रधानमन्त्रीं धाःगु दु ।

Categorized in अन्तर्राष्ट्रिय