coved ad

चीनया तियानजिन सहरय् लकडाउन

नेवा: अनलाइन न्युज – ललेन्द्र शाक्य | २०७८ पौष २६, सोमबार १६:१९:१३

चीनया तियानजित सहरय् कोरोना भाइरस ब्वलनेधुंकाः लकडाउन याःगु दु । बस व रेल सेवा स्थगित याःगु दु । मनूतय्त सहर त्वःतेत प्रतिबन्ध तःगु दु । निवाःतक लकडाउन याइगु अन्तर्राष्ट्रिय संचारमाध्यमं जानकारी ब्यूगु दु ।

तियानजिनय् कोरोना संक्रमित ल्याः अप्वयाः वयेधुंकाः अझ ब्वलंके मबिइत कडाई याःगु दु व मास्क अनिवार्य याःगु दु ।

तियानजिनय् गुलिखे क्षेत्रय् मनूतय्त छेँपाखें पिहाँ वनेत बन्देज तःगु दु । गुलिखे छगू छेँजःपाखें मेगु छेँजःतक वनेत व न्हिथं उपभोग्य हलंज्वलं न्यायेत जक छूट ब्यूगु दु ।

चीनय् कोरोना भाइरसलिसे ल्वायेत अतिकं कडाई याःगु दु । थ्वसिबें न्ह्यः नं चीनं कडाई यानाः संक्रमण ब्वलनीगु पंगु खः ।

चीनय् थ्वहे दँ जुइगु हिउँदे ओलम्पिक लिक्क वयाच्वंगु दु । कोरोना भाइरस ब्वलन धाःसा ओलम्कियात लिच्वः लाइगु खतरा दु । थुकिं यानाः नं चीनं कडाईया लिसें संक्रमण ब्वलनीगुयात पनेगु उपाय अबलम्बन यानाः वःगु दु ।

चीनया सियान व युजहु सहरय् नं निवाः थुखे लकडाउन जुयाच्वंगु दु ।

Categorized in अन्तर्राष्ट्रिय