Header Nepal rastra bank Adv

चीनं ताइवानय् आक्रमण याइगु संकेत, बचाऊया नितिं अमेरिकी नौसैनिक जहाज अप्वल

नेवा: अनलाइन न्युज – ललेन्द्र शाक्य | २०७९ श्रावण २०, शुक्रबार १२:०३:३३

चीनं न्हापांगुखुसि ताइवानयात मिसाइल प्रहार याःगु दु । चीनं बिहिवाः मिसाइल प्रहार याःगु सीदूगु दु ।

अमेरिकी सभामुख नान्सी पेलोसी ताइवान थ्यंकाः लिहाँ वनेखतं चीनं मिसाइल प्रहार याःगु खः । चीनं अमेरिकां मिइँ म्हितेत स्वःगु धासें कडा लिसः बिइगु ख्याच्वः ब्यूगु खः ।

चीनं ताइवानया क्षेत्रय् सैन्य अभ्यास याःगु दु । थ्वसिबें न्ह्यः ताइवानया समुन्द्र पिने मिसाइल प्रहार याःसां नं जमिनया क्षेत्रय् याःगु मदुनि ।

चीनं ताइवानयात आक्रमण याइगु संकेत खनेदयेधुंकाः अमेरिकां नं सैन्य गतिविधि अप्वयेकूगु दु । अमेरिकी नौसैनिक जहाज व विमानत ताइवानया समुन्द्र क्षेत्रय् निवाःया दुने थ्यनीगु जूगु दु । ह्वाइट हाउसंबिहिवाः थुकिया घोषणा याःगु दु ।

अमेरिकी नौसैनिक जहाज यूएसएस रोनाल्ड रेगन ताइवानया समुन्द्री क्षेत्रय् थ्यनीगु जूगुखः । जापानया आधार दयेकाः उगु नौसैनिक जहाज तयातःगु दु ।

Categorized in अन्तर्राष्ट्रिय