zero media family planning adv

चीनं कोभिड १९ विरुद्धया खोप नेपाःयात बिल

नेवा: अनलाइन न्युज – ललेन्द्र शाक्य | २०७७ चैत्र १७, मंगलबार १०:१३:५५

कोभिड १९ विरुद्धया खोप चीन सरकारं नेपाःयात उपलब्ध याकूगु ८ लख डोज म्हिगः सोमवाः नेपाल सरकारयात लःल्हाःगु दु ।

प्रधानमन्त्री निवास बालुवाटारय् ग्वसाः ग्वःगु ज्याझ्वलय् नेपाःया नितिं चिनियाँ राजदूत होउ यान्छीं प्रधानमन्त्री केपी शर्मा ओलीयात उगु खोप लःल्हाःगु खः ।

उगु खोप लःल्हायेगु ज्याझ्वलय् न्वःवासें प्रधानमन्त्री ओलीं चीनं नेपाःयात कोभिड १९ विरुद्धया खोप उपलब्ध याकूगुलिं निगू देस दथुया स्यल्लाःगु मैत्री स्वापूयात उजागर याःगु धारणा तःगु खः ।

प्रधानमन्त्री ओलीं चीनं खोप ग्वाहालि याःगुलिं चिनियाँ सरकार व चिनियाँ जनतायात नं सुभाय् देछाःगु खः ।

Categorized in राष्ट्रिय