city axpris 2

चिनिया न्हूगु दँ लिसें वसन्त उत्सव न्ह्यायेकल

नेवा: अनलाइन न्युज | २०७९ माघ ५, बिहिबार २०:५५:३३

चिनिया न्हूगु दँ लिसें वसन्त उत्सवया लसताय् नेपाःया नितिं चीनया राजदूत छन् सङ्  थों बिहिवाः छगू लसकुस ज्याझ्वः यानादिगु दु ।

ज्याझ्वलय् प्रमुख अतिथि राष्ट्रियसभाया नायः गणेशप्रसाद तिमिल्सिनां नेपाःया सामाजिक–आर्थिक विकासय् चीन पाखें निरन्तर ग्वाहालि यानाच्वंगुलिं सुभाय् देछानादिगु खः । 

राजदूत छन्ले चीनयात नेपाली जनतां क्यंगु सद्भाव पाखें थः प्रभावित जुगु बिचाः तयादिसें ‘बेल्ट एण्ड रोड इनिसिएटिभ’ अन्तर्गत निगू देय् दथुइया साझेदारीइ विकास–निर्माणया परियोजना दु्रतगतिइ न्हयाइगु भलसा प्वंकादिगु खः ।

वयकलं नेपाःया विकास प्रयासमा चीनं फुगु ग्वाहालि यायेगु बचं बियादिसें  रणनीतिक साझेदार नेपाःयात उच्च प्राथमिकताय् तय्गु खँ तयादिगु खः ।

ज्याझ्वलय् मन्त्रिपरिषद्यासदस्य, सांसद, विभिन्न राजनीतिक दलका नेता, पूर्वमन्त्री, कूटनीतिक नियोगका प्रमुख तथा पदाधिकारी, नेपाल सरकारका उच्चपदस्थ अधिकारी, उद्योगपति, व्यापारी, कलाकार, सञ्चारकर्मी, काम व व्यवसायया ज्याय् येँ वयाच्वपिं चिनियाँ नागरिकतय्गु उपस्थिति दुगु खः ।

ज्याझ्वलय् चीन व नेपाःया संस्कृति न्ह्यब्वइगु विविध सांस्कृतिक ज्याझ्वः नं न्ह्यब्वःगु खः ।

 

 

 

Categorized in अन्तर्राष्ट्रिय