zero media family planning adv

चिनियाँ राष्ट्रपति सी चीन प्रस्थान

नेवा: अनलाइन न्युज | २०७६ आश्विन २६, आइतबार १४:५१:१२

निन्हुयंकंया नेपाः भ्रमणया नितिं शनिवाः नेपाः थ्यंकादीम्ह चिनियाँ राष्ट्रपति सी जिनफिङ आः नकतिनि आइतवाः न्हिनसिया २ः२० ता इलय् ‘एयर चाईना’ विमानपाखें थःगु देय् चीन प्रस्थानया नितिं ब्वःगु दु ।

नेपाःया विकासया नितिं थीथी ल्हाःचिं तयाः राष्ट्रपति सी जिनफिङ स्वदेश लिहाँ झाःगु खः । शनिवाः भारतं नेपाः थ्यंकादीम्ह सी जिनफिङ सोल्टी होटलय् च्वनादीगु खःसा वय्कलं थःगु सम्बोधनया लिसें राष्ट्रपति, प्रधानमन्त्रीलिसें थीथी पार्टीया नेतापिन्त नापलानादीगु खः ।

थौं आइतवाः त्रिभुवन अन्तर्राष्ट्रिय विमानस्थलय् राष्ट्रपति सी जिनफिङयात बिदाई बिइगु झ्वलय् राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री केपी शर्मा ओलीलिसें थीथी मन्त्रीगण, सुरक्षा निकायया प्रमुखपिंलिसें उच्च पदस्थ व्यक्तित्वपिनिगु उपस्थिति दूगु खः ।

विदाई ज्याझ्वलय् नेपाःया थीथी आदिवासी जनजातिपिनिगु झाँकी नं विमानस्थलय् न्ह्यब्वःगु खः ।

Categorized in राष्ट्रिय