nepal investment baink

चिनियाँ राष्ट्रपतिया ख्याच्वः ...न्हूगु शीतयुद्ध सुरु जुइफु...

नेवा: अनलाइन न्युज – ललेन्द्र शाक्य | २०७७ माघ १३, मंगलबार १४:५४:१५

चिनियाँ राष्ट्रपति सी जिनफिंगं न्हूगु शीतयुद्ध सुरु जुइफूगु ख्याच्वः ब्यूगु दु ।

जिनफिंगं हलिंया फुक्क मुलुकयात कारेना भाइरस कोभिड १९ या महामारीविरुद्ध छप्पं जुइत नं आग्रह याःगु दु ।

राष्ट्रपति सी जिनफिंगं धाःगु दु, चिचीधंगु समुहत दयेकेगु वा न्हूगु शीतयुद्ध सुरु यायेगु, मेपिन्त अस्वीकार यायेगु, मेपिन्त धम्की बिइगु वा डरत्रास क्यनेगुथें जाःगु ज्यां हलिंयात केवल विभाजनपाखें यंकी ।

सोमवाः डाभोस फोरमया भर्चुअल सम्मेनलय् न्वःवासें राष्ट्रपति सी जिनफिंगं थथे धाःगु खः । अमेरिकी राष्ट्रपति जो बाइडनं ग्वाहालिमि मुलुकतलिसे जानाः चीनया प्रभाव पनेगु योजनापाखे संकेत यासें चिनियाँ राष्ट्रपतिं थथे धाःगु खः ।

उगु सम्मेलनय् बाइडन धाःसा सहभागी मजू । व्यस्तताया हुनिं बाइडनया पलेसा अमेरिकी प्रतिनिधिया रुपं जलवायु दूत जोन केरी सहभागी जूगु खः ।

डाभोस फोरमय् थ्यंमथ्यं २५ मिनेट न्वःवाःम्ह चिनियाँ राष्ट्रपति सी जिनफिंगं हलिंया अर्थतन्त्रयात खुल्ला यायेमाःगु धाःगु खः । उकिया नितिं भेदभाव व बहिष्कारपूर्ण मापदण्ड, नियम व प्रणाली चिइकेमाःगु धाःगु दु । लिसें व्यापार, लगानी व प्रविधिया कालबिल बारे दूगु पंगःत चिइकेमाःगु नं धाःगु दु ।

डोनाल्ड ट्रम्पया कार्यकालय् अमेरिकाया चीनलिसे व्यापार, प्रविधिनिसें हंगकंग, ताइवान, सिन्चियांग व कोरोनापाखें विवाद खनेदूगु खः ।

Categorized in अन्तर्राष्ट्रिय