prabhu baink new

चिनियाँ मिजंतय्त ‘मतिना यायेगु स्यनीगु विद्यालय’

२०७५ जेठ १०, बिहिबार १८:०४:०३

२१ औं शताब्दीइ डेटिङ अर्थात् मतिना सम्बन्धय् च्वनेगु थाकूगु ज्या नं जुइफु । व्यस्त कार्यतालिका दथुइ डेटिङ एपया ग्वाहालिं थःत यःम्ह पासा लुइकेगु धैगु छगू ला छ्यं स्याइगु विषय तकं जुइफु ।

तर मिसाया तुलनाय् मिजंया जनसंख्या आपाः दूगु चीनथें जाःगु देसय् ला थ्व थप हाथ्यां जाःगु विषय जूगु दु ।

शाही हैसियत त्याग यासें मतिना ब्याहा

चीनया छम्ह सन्तान नीतिया हुनिं मिसा व मिजंया ल्याखय् थुज्वःगु तःधंगु असन्तुलन खनेदूगु खः ।

जनसंख्या

सन् २०१६ या छगू तथ्यांकं चीनय् मिसासिबें मिजंया जनसंख्या थ्यंमथ्यं ३ करोड ३६ लखं अप्वः जूगु क्यंगु खः ।

थथे जूगुलिं छगू डेटिङ विद्यालयं चीनया युवापिन्त गुकथं थःगु सम्भावित मतिनामिपिन्त लय्तायेकेगु धैगु विषयस स्यनेगु यानाच्वंगु दु ।

वार्तालाप लिसेंया कक्षानिसें प्याखं स्यनेगु तकया विषययात उगु विद्यालयं समावेश याःगु दु ।

भच्चा मछाःगु स्वभावं आत्मविश्वासी जुइत आपालं दां पुलेत अन वनीपिं विद्यार्थीपिन्सं सहमति प्वंकूगु दु । छम्ह छम्ह व्यक्तिया तहलय् नं प्रशिक्षण बिइगु उगु विद्यालयं उकिया शुल्क ४५०० डलर क्वःछ्यूगु दु । बेइजिङय् थुज्वःगु कथंया लभ एनर्जी नांया विद्यालय यी स्वीं चलेयानाच्वंगु दु ।

म्याजिक कार्ड उपनांया उम्ह व्यक्ति धयादी, “डेटिङ छगू उत्कृष्ट प्याखंथें खः । गुबलें गुबलें थः पासायात थःपाखे सालेमाःसा गुबलें भच्चा तापाक्क तयेमाः तर निरन्तर वप्रति संवेदनशील जुयाच्वनेमाः ।”

तिना सम्बन्ध तयेगु स्यनीगु उज्वःगु कक्षाप्रतिया आकर्षण चीनय् अप्वयाच्वंगु दु । अनलाइनपाखें उगु सम्बन्धी कक्षात कायेगुप्रति लच्छिया ३० डलर शुल्क पुलेमाःगु धाःगु दु ।

म्याजिक कार्डया कथं वय्कःया कक्षाय् वइपिं ग्राहकया उमेर २३ निसें ३३ दँया दथुया खनेदु । दकले कम उमेरया विद्यार्थी १९ दँया दुसा छम्ह ५९ दँया वयस्क नं डेटिङ कला सयेकेत विद्यालयस भर्ना जूगु दु ।