nepal investment baink

चितवनय् प्रदेशस्तरया भाषा प्रशिक्षक तालिम

नेवा: अनलाइन न्युज – ललेन्द्र शाक्य | ने.सं. ११४४ सिल्लागा दुतिया

नेवाः देय् दबू बागमती प्रदेशया संयोजनय् नेवाः समाज भरतपुरया ग्वसालय् शनिवाःनिसें बागमती प्रदेशस्तरीय नेपालभाषा प्रशिक्षक प्रशिक्षण तालिम न्ह्याःगु दु ।

प्रदेशया थीथी जिल्ला व पालिकापाखें उगु भाषा तालिमय् ब्वति काःगु दु । पवित्र कसाः नं प्रशिक्षण बियादीगु उगु तालिम प्यन्हु तक न्ह्याइगु जानकारी ब्यूगु दु ।

शनिवाः औपचारिक रुपं उगु तालिमया उलेज्या बागमती प्रदेशया सभामुख भुवन पाठकं यानादीगु खः । मूपाहाँ प्रदेशया सभामुख पाठकं नेपालभाषा व तामाङ भाषायात सरकारी कामकाजी भाषाया रुपय् लागू यायेगु नितिं नियमावली दयेकेगु ज्या नं न्ह्यानाच्वंगु दु धकाः धयादिल ।

नेवाः देय् दबू बागमती प्रदेश समितिया इन्चार्ज नापं केन्दीय न्वकू शान्त श्रेष्ठया नायोसुइ जूगु उगु ज्याझ्वलय् नेवाः देय् दबू केन्द्रया बरिष्ठ न्वकू चन्द्रलाल राजभण्डारी, मूछ्याञ्जे सत्यनारायण डंगोलपिन्सं तालिम नापं नेपालभाषा व नेवाःतय्गु बारे न्वंवानादीगु खः ।

ज्याझ्वलय् बागमती प्रदेशय् नेपालभाषा व तामाङभाषायात सरकारी कामकाजी भाषाया रुपय् लागू यायेगु नितिं प्रदेश भाषा ऐन निर्माण यायेत जनस्तरं नेतृत्वदायी भूमिका निर्वाह यानादीगुलिं नेवाः देय् दबू स्वनिगः विशेष प्रदशेया नायो श्रीकृष्ण महर्जनयात हना पौ लःल्हाःगु खः ।

Categorized in नेवाः