zero media family planning adv

चिकित्सालयस सेवा यानादीपिन्त हनेज्या

नेवा: अनलाइन न्युज – विजयरत्न | २०७७ फाल्गुण ५, बुधबार १६:३४:४२

छत्रपाटी चिकित्सालयया न्हूगु भवनय् लिफ्टया उलेज्या

येँ महानगरपालिकाया मेयर विद्यासुन्दर शाक्य मूपाहाँ कथं झायादीगु छत्रपाटी निःशुल्क चिकित्सालय (अस्पताल)या ६४ क्वःगु साधारण सभा ज्याझ्वलय् चिकित्सालयया स्वर्ण महोत्सव भवनय् च्वंगु लिफ्टया  मूपाहाँ शाक्यं रिबन चानाः उलेज्या  यानादिल ।

चिकित्सालयया अध्यक्ष डा. मनोजमान श्रेष्ठया सभानायसुइ न्ह्याःगु उगु ज्याझ्वलय् मूपाहाँ शाक्यपाखें चिकित्सालयस२५ दँ तक सेवा यानादीपिं डा. चन्द्रलक्ष्मी श्रेष्ठ, हेमा लामा, २० दँ तक सेवा यानादीपिं चन्द्रलक्ष्मी श्रेष्ठ, ससिता मानन्धर, रेणु पोखरेल, १० दँ तक सेवा यानादीपिं डा. दुर्गा शाक्य, डा. अनिल शाक्य, नरिमाया बस्नेत, जुनु दर्नाल, रिना पोडे अथे हे २५ दँ तक सेवा बियाः राजिनामा बियादीपिं चिकित्सक व कर्मचारीपिं डा. विजयबहादुर राजण्डारी, डा. केशवराज भट्टराई, मिखा सहायक मोतीबहादुर थापायात हनेज्या नं यानादीगु खः ।

ज्याझ्वलय् चिकित्सालयात कोभिडया इलय् विशेष ग्वाहालि यानादीपिं दया फाउण्डेशन, सोनाम गियर, अरनिको समाज, महाविर पुन, स्वस्तिक गुरुकुल, डा. बालकृष्ण श्रेष्ठ, डोल्मा शेर्पा, सावित्री पुजारी, खड्गबहादुर थापा, चमेलि गुरुङ, श्यामबहादुर शाह, अन्जु राजोपाध्याय, कमलबहादुर खड्का, समिर बज्राचार्य, लोकेन्द्रराज विष्ट, प्रसुति तथा निःसन्तान रोग विशेषज्ञ डा. भावा मल्ल श्रेष्ठ व दिपककुमार श्रेष्ठपिंत सम्मान यायेगु ज्या जूगु खः ।

अथेहे ज्याझ्वलय् ‘माउ बद्री भवन’या निंतिं आर्थिक ग्वाहालि यानादीपिं सानी कपाली व कृष्णगोपाल रंजितयात मेयर शाक्यं दोसल्ला न्ययेकाः सम्मान यानादिलसा ज्याझ्वलय् चिकित्सालयया उपाध्यक्ष कुमारदेव मानन्धरं लसकुस न्वचु तयादीगु  खः । उगु सभाय् मूछ्यान्जे राजेन्द्रप्रसाद मानन्धरं सुभाय् बियादीगु खः ।

Categorized in स्थानिय-समाज