prabhu baink new

चिकित्सक व स्वास्थ्यकःमिपिन्त दुर्व्यवहार याःपिन्त कारवाही या...तरुण दल

नेवा: अनलाइन न्युज – ललेन्द्र शाक्य | २०७७ भाद्र ८, सोमबार ०९:२७:३६

कोरोना संक्रमणया महामारीया इलय् न्ह्यलुवाः जुयाः सेवा बियाच्वंपिं चिकित्सक व स्वास्थ्यकःमिपिन्त दुर्व्यवहार याःपिन्त कारवाही यायेत नेपाल तरुण दलं सरकारयाके माग याःगु दु ।

तरुण दलं सेवाय् खटेजुयाच्वंपिन्त मनोबल अप्वयेकेगु ज्या यायेत नं सरकारयाके माग याःगु दु ।

तरुण दल नायः जितजंग बस्नेतं थौं सोमवाः सार्वजनिक याःगु विज्ञप्तिपाखें थ्व खँया माग याःगु खः । विज्ञप्तिइ धयातःगु दु, अमानवीय व्यवहारय् दुथ्याःपिं न्ह्याम्ह हे जुइमा, कारवाहीया दायराय् हयेत व न्ह्यलुवाः जुयाच्वंपिं सेवाकःमिया मनोबल बृद्धि जुइगु ज्या न्ह्यःने हयेगु नितिं सरकार न्ह्यःने नेपाल तरुण दल केन्द्रीय समिति जोडदार माग यानाच्वना ।

जोखिमपूर्ण अवस्थाय् नं अनवरत रुपं सेवा बियाः वयाच्वंपिं स्वास्थ्यकःमि, सुरक्षाकःमि, संचारकःमि व अत्यावश्यक सेवा आपूर्तिकर्ताप्रति तरुण दलं सम्मान प्वंकूगु दु ।

Categorized in राजनीति