नेवा: अनलाइन न्युज | २०८० भाद्र ३१, आइतबार १३:०४:०१

नेपा चिकित्सक संघं थौं आइतवाः देय् न्यंकंया स्वास्थ्य संस्थाय् आकस्मिक बाहेक सेवा बन्द याःगु दु ।

चिकित्सकयात आक्रमण याःपिन्त कारवाहीया माग तसें चिकित्सकपिन्सं थौं आइतवाः देय् न्यंकंया अस्पतालय् आकस्मिक बाहेकया सेवा बन्द याःगु खः ।

हेटौंडाय् च्वंगु सञ्चो अस्पतालया डाक्टरयात आक्रमण याःपिन्त भाद्र २७ गते ७२ घौ दुने आवश्यक कारवाही यायेत संघं अल्टिमेटम ब्यूगु खः ।

उगु घटनाया सम्बन्धय् नेपाल सरकारं फुक्क दोषीपिन्त कानूनी दायराय् महःगु धासें चिकित्सकपिन्सं आन्दोलन याःगु खः ।

देसया दकले पुलांगु अस्पताल वीर अस्पतालया नं आपतकालीन बाहेक फुक्क सेवा ठप्प जूगु दु । चिकित्सकपिं शान्तिपूर्ण धर्ना व प्रदर्शनय् च्वनाच्वंगु दु ।

वंगु भाद्र २७ गते हेटौंडाय् च्वंगु सञ्चो अस्पतालया चिकित्सक डा. विकास थापा व डा. प्रशान्त विडारीयात विरामीया उपचार यानाच्वंगु इलय् सांघातिक आक्रमण याःगु खः ।

Categorized in राजनीति