zero media family planning adv

चाबहिलीं स्थानीय ५५ दँया नेवाः मिसा तन

नेवा: अनलाइन न्युज – Rakesh Maharjan | २०७७ भाद्र २९, सोमबार १७:५०:४५

येँ – तिन्हिनय् हे येँया चाबहिल लागां स्थानीय नेवाः मिसा तंगु दु ।

येँ मनपा ७ वडा कुमारीगाल निवासी ५५ दँया वीणा श्रेष्ठ आइतवाः न्हिननिसें तनाच्वंगु दु ।

चाबहिल ओम अस्पतालय् हाउसकिपिङ सुपरभाइजर जुयाः वंगु १०–१२ दँ निसें ज्या यानाच्वनादीम्ह वीणा श्रेष्ठ आइतवाः सुथय् सदां थें अफिस वंगु खः । तर वय्‌कः न अफिस थ्यन, न अनंलिपा वय्‌कःया छुं हे खबर दत ।

श्रेष्ठ मदुगु खबर छेँजःपिंसं सीधुंकाः वय्‌कःया काय् शैलेस श्रेष्ठं अनं लिपा गौशाला प्रहरी चौकीइ जाहेरी नं दर्ता यानादी धुंकूगु दु । तर प्रहरीं थौंतक थ्वबारे बांलाक लिसः मब्यूगु श्रेष्ठया किजा मोहनश्याम रंजितं जानकारी बियादीगु दु । ‘पुलिसं जाहेरी दर्ता याःसां अनुसन्धान बांलाक मन्ह्याकूगुलिं मिडियाया गुहालि कायेमाःगु खः,’ रंजितं धयादिल ।

काय् शैलेस श्रेष्ठया कथं सदां थें जाः नयाः अफिस वंम्ह थः मांया अफिस मथ्यंगु, अफिसं लिपा फोन यानाः मवःगु जानकारी बीवं तिनि तंगु खँ स्यूगु खः । अनंलिपा थःथितिपिं, म्हसयूपिं, व पासापिं सकसिकें न्यनास्वःसां सुयाकें वय्‌कःया खबर मदुगुलिं बहनी फेसबुकपाखें तंगु सुचं पिकायेमाःगु काय्‌भाजु श्रेष्ठं धयादिल ।

तनाच्वंम्ह वीणा श्रेष्ठयात सुनां नं खंसा वा वय्‌कःबारे खबर दुसा छेँजःयात खबर यायेत छेँजःपिंसं इनाप नं याःगु दु ।

 

Categorized in नेवाः