nepal investment baink

चक्रेश्वर बज्राचार्यया सफू ‘बज्राचार्य व येँ देय्या महाविहार’ पिदनीगु

नेवा: अनलाइन न्युज | ने.सं. ११४४ सिल्लाथ्व द्वादसी

चक्रेश्वर, भाषाथुवाः फणिन्द्ररत्न बज्राचार्यं च्वयाः बिज्याःगु सफू ‘बज्राचार्य व येँ देय्या महाविहार’ पिदनीगु जूगु दु ।

बज्राचार्य क्लबपाखें उगु सफू पिथनेत्यंगु खः ।

बज्राचार्य क्लबं ब्यूगु जानकारी कथं वइगु फागुन १२ गते शनिवाः सुथसिया ११ः३० ता इलय् येँया नेपाः ब्याक्वेटय् उगु सफूया उलेज्या जुइगु ज्याझ्वः तयातःगु दु ।

उलेज्या ज्याझ्वलय् मूपाहाँ कथं पं. यज्ञमानपति बज्राचार्ययात ब्वनातःगु दुसा सफूया उलेज्या बागमती प्रदेशया सांसद शैलेन्द्रमान बज्राचार्य, निरोज बज्राचार्य, येँ महानगरपालिकाया उपप्रमुख सुनिता डंगोलपिन्सं मंकाः कथं याइगु जूगु दु ।

क्लबं ब्यूगु जानकारी कथं उगु ज्याझ्वलय् दीक्षा कयाः बिज्यायेधुंकूपिं गुरुजु व गुरुमाजुपिन्त नं हनेगु ज्याझ्वः तयातःगु दु ।

Categorized in नेवाः