nepal investment baink

चक्रेश्वर फणिन्द्र रत्न बज्राचार्यया निगू सफू पिदन

नेवा: अनलाइन न्युज – ललेन्द्र शाक्य | ने.सं. ११४४ सिल्लागा पारु

चक्रेश्वर, भाषाथुवाः लिसें नांजाःम्ह साहित्यकार फणिन्द्र रत्न बज्राचार्यया निगू सफू पिदंगु दु ।

म्हिगः शनिवाः बज्राचार्य क्लबया पिथनाय् येँया नेपाः ब्यांक्वेटय् जूगु ज्याझ्वलय् थथे वयकःया सफू ‘बज्राचार्य व येँ देय्या महाविहार’ पिदंगु खः ।

सफूया विमोचन बागमती प्रदेशया सांसद शैलेन्द्र बज्राचार्य, नुरज बज्राचार्य, येँ महानगरपालिकाया उपप्रमुख सुनिता डंगोल, नेवाः देय् दबूया नायः पवित्र बज्राचार्यलिसेंया थीथी हनेबहःपिं व्यक्तिपिनिगु ल्हाःतं जूगु खः ।

बज्राचार्य क्लबया नायः सर्जु बज्राचार्यया सभापतित्वय् जूगु उगु ज्याझ्वलय् बज्रयान धर्मया धार्मिक नृत्य लिसें चर्चागुरु मणिरत्न बज्राचार्य, नरेन्द्रमुनि बज्राचार्यपिन्सं चर्यावाचन यानाः बिज्याःगु खः ।

नेपालभाषाया सक्रिय व्यक्तित्व निर्मल बज्राचार्यं न्ह्याकादीगु उगु ज्याझ्वलय् थीथी ख्यःया बज्राचार्यपिंव गुरुवरपिनिगु उपस्थिति दूगु खः ।

Categorized in नेवाः