zero media family planning adv

घाँय् लःवंपिं ७ म्ह मिसामचा बेपत्ता

नेवा: अनलाइन न्युज – ललेन्द्र शाक्य | २०७७ चैत्र १८, बुधबार १०:१७:०३

महोत्तरीइ घाँय् लःवंपिं ७ म्ह मिसामचा आकाझाकां बेपत्ता जूगु दु । जिल्लाया भंगहा नगरपालिका वडा ल्याः ८ धर्मपुर पासमानया छगू हे त्वाःया ७ म्ह मिसामचा बेपत्ता जूगु खः । प्रारम्भिक जानकारी कथं मिसामचात वडा ल्याः ९ अजगेवा चौरी क्षेत्रय् मंगलवाः घाँय् लयेत वंगु खः ।

इपिं सनिलतक नं छेँय् लिहाँ मवयेधुंकाः तंगु खँ सीदूगु खः । प्रहरीं बेपत्ता जूपिं मिसामचात मालेगु ज्या न्ह्याकूगु जानकारी ब्यूगु दु । आःतक इमिगु अवस्था लुइके मफुनि ।

न्हिनय् घाँय् लयेत वंपिं व बहनीतक नं छेँय् लिहाँ मवयेधुंकाः प्रहरी व छेँजःपिन्सं मालेगु ज्या न्ह्याकूगु खः ।

थःथितिपिन्सं जःखःया स्थानीयपिन्त मालेगु ज्याय् ग्वाहालि यायेत इनाप याःगु दु । बेपत्ता जूपिं मिसामचात सीमा पासवान, रंजन पासवान, ज्योती पासवान, रिया पासवान, अर्चना पासवान, नगीना पासवान व अस्मीता पासवान खः ।

Categorized in दुर्घटना-अपराध