kmc bidya

ग्वाहालिया नापं थःयात प्रचार यायेगु जितः मयः कलाकार आशिष्मा

नेवा: अनलाइन न्युज | २०७६ चैत्र २४, सोमबार १३:२४:१९

संसारय् न्यंक्कभनं कोरोनाया महामारी न्यनावना च्वंगु थ्व इलय् सकसित थःगु हे छेँय् च्वना सुरक्षित जुइत नांजाम्ह आशिष्मां इनाप यानादीगु दु । 

थथे छेँय् च्वना च्वनेगु ईयात सित्तिं मछ्वसे रचनात्मक रुपं छय्ला दीत नं वयकलं इनाप यानादीगु दु । लकडाउनया कारणं पीडित जुया च्वंपिन्त ग्वाहालि यायेगु नामय्  आपासिनं थःयात प्रचारया यानाच्वंगु ज्याखँयात तच्वकं कूखिंसें थःयात थुकथं ज्या मयः धयादिसें छुं नं कथं थःपिन्सं ग्वाहालियात प्रचारया लँपुजक दयेके मज्यूगु बिचाः प्वंकादिगु दु ।

झिन्यादँति न्ह्यः “न्याल्लब्यां ” संकिपापाखें नेवाः संकिपाख्यलय् दुहाँ वःम्ह आशिष्मा नकःमि नेवाः संकिपा ख्यःया जक मखसे नेपाःदेय्या हे संकिपा ख्यःया लोकंह्वाम्ह हिरोइन् खः । न्याल्लब्यां , पपु मदुम्ह झंगः , तारेमाम , याहु , मू मदुगु जिन्दगी लगायत निगु दर्जनति नेवाः संकिपा म्हितादीम्ह आशिष्मा नकःमि अन्तराल,अधकट्टी, मेला , बाटो मुनिको पूmल २ लगायत निगू दर्जनति हे खँय् भाय्या संकिपा म्हितुम्ह हिरोइन् खः । अमेरिकाय् च्वनाच्वम्ह च्वंम्ह नवीन प्रधानलिसे नगुने इहिपा याना तिपु जीवन हना च्वंम्ह खःसा आपालं म्युजिक भिडियो नं म्हितुम्ह खः । इहिपा अमेरिकायाःम्ह मिजंलिसे जूगु खःसां थौंकन्हे थन हे थः अबु नांजाम्ह संगीतज्ञ मनराजा नकःमिया अनामनगरया छेँय् च्वना च्वंगु दु । 

संसारय् न्यंक्कभनं कोरोनाया महामारी न्यनावना च्वंगु थ्व ईलय् सकसित थःगु हे छेँय् च्वना सुरक्षित जुइत आशिष्मां इनाप यानादीगु दु । थथे छेँय् च्वना च्वनेगु ईयात सित्तिं मछ्वसे रचनात्मक रुपं छय्ला दीत नं वयकलं इनाप यानादीगु दु । आशिष्मां नं थ्व इलय् कोरोना भाइरसया संक्रमणपाखें सुरक्षित जुया च्वनेगुलागिं छ्यलेमाःगु सकतां उपाय छ्यला वया च्वंगु दुसाः लकडाउनयात नं पूर्णरुपं पालना यानाच्वंगु दु ।

कोरोना भाइरसया संक्रमण व लकडाउनया कारणं आशिष्माया छगु न्हूगु नेवाः संकिपा “कर्म” या रिलिज लिज्यागु दु । बुद्धकालिन बाखनय् आधारित थ्व संकिपाया निर्देशक रामकृष्ण खड्गी खः । थुके आशिष्मालिसे नेपाःया संकिपाख्यःया लोकंह्वाम्ह हिरो कर्म हिरो जुया म्हिता च्वंगु दु । उकिया नापनापं आशिष्माया होम प्रोडक्शनपाखें दयेकुगु “लाखेभाजु” या ज्या नं दिना च्वंगु दु । 

वयकलं थ्व इलय् थःगु न्हियान्हिथं थुकथं कनादि–  “६ः३० बजे दनेगु ७ः१५ बजे पुजा यायेगु ,छघौति फिजिकल एक्सर्साइज यायेगु व सुथय्या द्यःना ज्वलं , न्हिनय् तुच्चा व बहनीसिया बेलि जोरे यायेगु यै फुनाच्वंगु दु । थ्व लिसें सफु ब्वनेगु व ईन्टरनेटय् वना सोसियल साइट दुवालेगु नं याना वया च्वना । तर छुं न्ह्.ि निसें ईन्टरनेट लाइन डिस्कनेक्ट जुया च्वंगुलिं बालं च्वना च्वंपिनिगु ईन्टरनेट हे छ्यला वया च्वनादीगु दु ।”

आशिष्मां लकडाउनया कारणं परिवारया दक्वं जःपिं छेँय् हे दया च्वंगुलिं थ्व छगु सामाजिक पुनर्मिलनया अवसर थें  तायेका वया च्वंगु दु । 

आशिष्मां थ्व संक्रमण फैले जुइगु सम्भावना दूगु ई जूगुलिं सरकारं आदेश बियातःगु लकडाउनया आदेश बांलाक्क पालना यायेत व सुरक्षाया सकतां उपाय बाँलाक छ्यलादिइत आशिष्मा नकःमिं विश्वया सकल प्राणीपिन्त इनाप यानादीगु दु । 

न्ह्यब्वम्ह बिजय रत्न असंवरे

 

 

 

Categorized in बिचा: