zero media family planning adv

ग्लोबल नेवाः कन्फ्रेन्स व गैरआवासीय नेपाःमिपिन्त लसकुस (भिडियो)

नेवा: अनलाइन न्युज – ललेन्द्र शाक्य | २०७६ आश्विन २७, सोमबार १३:००:०९

नेपाःया नितिं हलिं न्यंकंया नेपाःमिपिनिगु अभियान कथं ग्लोबल नेवाः कन्फ्रेन्स व गैरआवासीय नेपाःमिपिन्त लसकुस यायेगु ज्याझ्वः येँया खुसिबुइँ च्वंगु नेपाः ब्यांक्वेटय् न्ह्याःगु दु ।

नेवाः एकता अभियानया ग्वसालय् जूगु थुगु ज्याझ्वः नेवाः एकता अभियानया कजि सुनिलकुमार शाक्यया सभानायःसुइ न्ह्याःगु खः ।

ज्याझ्वलय् मूपाहाँ कथं भाषासेवी, धर्मसेवी नेवाः न्ह्यलुवाः लक्ष्मीदास मानन्धर मूपाहाँ कथं झायादीगु खःसा वय्कलं हे त्वाःदेवाय् मत च्याकाः ज्याझ्वःया उलेज्या यानादीगु खः । अथेहे ज्याझ्वलय् पाहाँ कथं प्रतिनिधिसभा सांसदलिसें पुलांम्ह रक्षामन्त्री भीमसेनदास प्रधान, पुलांम्ह राज्यमन्त्रीलिसें नेवाः न्ह्यलुवाःपिं दिलीप महर्जन, पवित्र बज्राचार्य, सुगतरत्न कंसाकार, नेपाः राष्ट्रिय पार्टीया नायः विजय सैंजु, कुमुद श्रेष्ठ, उमेश स्थापित लिसें थीथी व्यक्तिपिं झायादीगु खः ।

ग्वसाः खलः नेवाः एकता अभियानया कजि लिसें ज्याझ्वःया सभानायः सुनिलकुमार शाक्यं लसकुस न्वचू बियादिसें नेवाः एकता अभियानया बःचाधंगु कार्यपत्र नं न्ह्यब्वयादीगु उगु ज्याझ्वलय् गैरआवासीय नेपाःमिपिनिगु संस्था एनआरएनया जुइत्यंगु निर्वाचनय् उम्मेदवार जुयादीपिं व्यक्तित्वपिन्सं थःथःगु नुगःखँ तयादीगु खः ।

ज्याझ्वलय् पाहाँ कथं झायादीपिं सकलसिनं नेवाः एकता अभियानया कजि शाक्यं न्ह्यब्वयादीगु कार्यपत्रयात कयाः थःथःगु धारणा तयादीगु ज्याझ्वः नं दु ।

ज्याझ्वः सुनिता डंगोलं न्ह्याकादीगु खः ।

थन क्लीक यानाः भिडियो स्वयादिसँ

Categorized in नेवाः