zero media family planning adv

गोली चलेजुल महोत्तरीइ ः छम्ह घाःपाः

नेवा: अनलाइन न्युज – ललेन्द्र शाक्य | २०७७ चैत्र १९, बिहिबार ११:१०:१०

अज्ञात पुचलं क्ययेकूगु गोली कयाः महोत्तरीइ छम्ह मनू घाःपाः जूगु दु । जिल्लाया औरही नगरपालिका वडा ल्याः ६ बैरियाय् अज्ञात पुचलं क्ययेकूगु गोली कयाः बर्दिबास नगरपालिका वडा ल्याः १ या ३० दँया रोशन कोइराला घाःपाः जूगु प्रहरीं जानकारी ब्यूगु दु ।

जिल्ला प्रहरी प्रमुख एसपी दिनेश आचार्यया कथं कोइरालायात निगः गोली क्ययेकूगु खः । छगः गोली वया ल्हातय् व मेगु गोली याक्वय् लाःगु एसपी आचार्यं धाःगु दु ।

गोली कयाः घाःपाः जूम्ह कोइरालायात वासः यायेगु नितिं बर्दिबासय् च्वंगु जनसेवा अस्पतालय् भर्ना याःगु दु ।

कोइराला औरहीपाखे वंगु इलय् बुधवाः बहनी ७ः३० ता ईपाखें वयात गोली प्रहार जूगु एसपी आचार्यं धाःगु दु । वया कथं घटना सम्बन्धय् अनुसन्धान जुयाच्वंगु दु ।

Categorized in दुर्घटना-अपराध