1142 nhoo dan adv

गुल्मीइ जिप दुर्घटना, स्वम्ह मन्त

नेवा: अनलाइन न्युज | २०७८ आश्विन २९, शुक्रबार ०८:०५:१४

वंगु चान्हय् गुल्मीइ जिप दुर्घटना जुयाः स्वम्ह मदुगु दुसा मेपिं खुम्ह घाःपा जुगु दु । बुटवल पाखें गुल्मीया  सदरमुकाम तम्घास वयाच्वंगु लु १ ज ४४९० नम्बरया जिप वंगु चान्हय् रेसुङ्गा नगरपालिका–१० पाँचरातेय् दुर्घटना जुगु खः ।

दुर्घटनाय् लानाः मदुपिं मुसिकोट नगरपालिका २ जलजलेया ७० दँया क्षेत्रबहादुर थापा,उग हे थाय्या ४६ दँया राधिका थापा व मुसिकोट नगरपालिका–३ चुँदारी गाया १९ दँया सङ्गीता सुनार जुगु जिल्ला प्रहरी कार्यालयया प्रहरी उपरीक्षक गोपालचन्द्र भट्टराई जानकारी ब्यूगु दु । 

दुर्घटनाय् लानाः घापाः जुपिं मध्ये न्याम्हसित थप उपचारया नितिं पाल्पा यंकुगु दुसा छम्ह गुल्मी अस्पतालय् उपचार जुयाच्वंगु दु ।सदरमुकाम तम्घास सःतिक दुर्घटना जुगु कारण तत्काल नेपाल प्रहरी, सशस्त्र प्रहरी व नेपाली सेनाया टोली बहनिं उद्धार याःगु खः । उगु जिप अनियन्त्रित जुयाः सडक पाखें  ५०० मिटर क्वये कुतुवंगु खः ।

 

Categorized in दुर्घटना-अपराध