zero media family planning adv

गुथि आन्दोलनयात कयाः भर्चुअल सभा

नेवा: अनलाइन न्युज – Rakesh Maharjan | २०७७ आषाढ ३, बुधबार १८:११:५९

येँ – सरकारं हःगु गुथि विधयेकविरुद्ध आन्दोलन जूगु असार ४ गते दच्छि पूवनी । आन्दोलन दच्छि पूवंगु न्हि लाकाः गुथि विधेयक विरुद्ध एकीकृत आन्दोलनया ग्वसालय् भर्चुअल सभा जुइत्यंगु दु ।

कोरोना महामारीया संक्रमण जोखिमयात बिचाः यानाः थुकथं भर्चुअल सभा जुइत्यंगु खः ।

थुगु सभाय् नेवाः न्ह्यलुवाः मल्ल के. सुन्दर व वरिष्ठ अधिवक्ता प्रा. पूर्णमान शाक्यपिंसं वक्ताकथं ब्वति काइ ।

नेवाः युट्युबया फेसकबुक पेज नापं नेवाः सुचना केन्द्रया फेसबुक लाइभ स्ट्रिमिङपाखें असार ४ गते न्हिनसिया ४ ताः इलय् त्व भर्चुअल सभाया प्रत्यक्ष प्रशारण जुइत्यंगु दु ।

कोरोना जोखिमं यानाः सभा, सम्मेलन यायेत सरकारं पनातःगु इलय् जुइत्यंगु भर्चुअल सभा न्हापांखुसी जुइत्यंगु खः ।

Categorized in नेवाः