prabhu baink new

गुज्वः गुज्वःगु कानुन

नेवा: अनलाइन न्युज | २०७३ आश्विन २२, शनिबार १४:३०:०१

गुुगु नं शासन व्यवस्थाय्  कानूनया अहम् भूमिका दइ । कानून विनाया शासन लगाम मदुम्ह सल थं जुइ । तर कानूनी शासन कायम यायेत कानून नं जनमैत्री व वैधता प्राप्त जुइमाः । कानूनयात जनतां स्वीकारे यायेमाः । कानून देय्या नागरिकं पालना यायेमाः व कानुनया
उल्लंघन दण्डनीय जुइ । तर विश्वया छुं देय् व सहरय् छुं थुज्वःगु अजूचायापुगु कानूनत दु, गुगु न त अनया जनतां नुगलंनिसें स्वीकारय् याःगु दु, न त कानून उल्लंघन याःम्हेसित कारवाही जूगु हे दु । थन उज्वःगु हे छुं देय् व सरहया कानुनयात छक्वः कुलेगु कुतः याये

हल्याण्डय् किराना पसलय् सामान न्यायेबलय् शपिङ बास्केट मछ्यल धाःसा जरिवाना पुलेमाः ।
अमेरिकाया वायोमिंगय् जुन लाय् खराचिया किपाः काये मदु ।
अमेरिकाया केन्टकीं हरेक मनुखं दँय् म्होतिं नं छक्वः म्वः ल्हुइमाःगु कानून दुृ ।
अमेरिकाया अलास्काय् द्यनाच्वंम्ह भालुयात थनाः किपा काःसा अथे किपा काःम्ह मनूयात कारवाही जुइ ।
अमेरिकाया कन्सासय् पचि ल्हातं न्या ज्वनेत बन्देज तयातःगु दु  ।
अमेरिकाया क्यालिफोर्नियाय् हाउस कोट फिनाः कार चलय् यायेत मिस्तय्त निÈेध यानातःगु दु ।
मिचिगनय् नं छगू अजूचायापुगु कानुन दु, गन लँय् न्यासि वनेबलय् फोहोर वा ध्याचः दुसां मिस्तय्सं थःम्हं फिनातःगु वसः  ३ इन्च स्वयां च्वय् सारय् याये दइमखु ।
स्वीडेनया छगू अपार्टमेन्टय् च्वनीपिं मनूतय्सं चान्हय् १० ताः ईीलपा ट्वाइलेटय् ङ्खलस यायेत रोक लगय् यानातःगु दु ।
अमेरिकाया अलाबामाय् यदि सुनां नं रेलया ट्रयाकय् चि वाका बिल वा प्वंकाबिल धाःसा वयात मृत्युदण्डया सजाय नं जुइफु ।
अमेरिकाया टेक्सासय् छुं नं कथंया साया किपा च्वयेत बन्देज तयातःगु दु । एजेन्सीपाखें